“Sonon do hata ni Jahowa sipaluah ho na pansing ni Israel: Ahu do Jahowa Naibata-mu na mangajari ho bahen hatuahonmu, na manogu ho bani dalan sidalananmu”.
(Jeremia 48:17)
Tuhan Jahowa ai ma na bayak bani parontou ni uhur pakon idop ni uhur. Sihol paluahonni do hita, hita na dob ibagas rantei ni dousa. Seng ibotoh hita sandiri sonaha ase boi hita anjaha boi manjalo idop ni uhur-Ni pakon pasu-pasu-Ni. Tapi Naibata do mangajari hita pasal ai. Seng ibotoh hita dalan dompak harosuh ni Naibata, la do manogu hita bani dalan sidalananta.
Bani ganup do ra Naibata mangurupi hita, sonaha pambahen lang bujur hita dompak Naibata? “Tuhan paluah Ham ma ahu humbani gogoh pakon kuasa ni dousa, ajari Ham ma ahu mambahen harosuhMu. Togu Ham ma ahu bani hapintoron pakon hasintongon, sonai ma tonggonta”.
Tapi age sonai damei ni Naibata, sihol do uhur-Ni pambahenanni ai ibotoh na legan homa, ningon bahenon do ai songon bah mardalan atap songon gilumbang ni laut. Tonah do ai na porlu tangaron ni jolma manisia. Patugah, mungmungkon ma ai ase itangar halak gabe malas uhurni. Taurhon ma pambahenan ni Naibata das hu ujung ni tanoh on, dilohon: Sipaluah do Naibata na pansing ni Israel.
Tapi mase otik malas ni uhur bani na pinaluah ni Naibata? Mase otik malas ni uhur bani na manjalo ambilan na madear?
On do halani: Hurang tenger uhurni bani Hata ni Naibata, hurang poltik ijolom bagah-bagah ni Naibata. Pabayu Ham ma hata on hubagas uhurmu: Sipaluah ahu do Naibata, Jahowa do Naibatangku, iajari do ahu bani sisarionkonku, itogu do ahu bani dalan sidalananku.
Parimbagaskon hita ma hata ai. Tangi ma hita bani panogu-nogu ni Naibata bani dalan sidalananta, na gabe hatuahonta.
Tonggo
Ham Tuhan Naibata! Sedo na tarbilang; idop ni uhurMu, songon na so tarjalo hanami do idop ni uhurMu pakon holongmu. Urupi Ham ma hanami ase poltik ijolom hanami hata ni janah tangi hanami bani panogu-noguonaMu bani dalan sidalanannami. Amen.
Doding
Haleluya No. 107 : 2, 3 Irikkon Nasiam ma Au >>
2. Au do palihar dalanmin, na dompak hagoluhan;
Ai seng be kahou langkahmin, daoh pakon hamagouan.
Au parhiteian na bujur, bai hasonangan na botul!3. Hupatuduhkon dalan in, sisimbilonkonnima,
Ganup geduk ni uhurrnin sipaubahon nima;
‘Se tong pansing ma tonduymin, ronsi rotap ni hosahmin.
Recent Comments