Renungan Harian "Tadah ni Tonduyta"
Humbani buku renungan harian berbahasa Simalungun, "Tadah ni Tonduyta" sinuratkon ni Pdt J Wismar Saragih (1888 – 1968) bani tahun 1965, paduahon dob "Manna"
Sonaha do ham na mambasa on, ijajah tonduy na mabutak ai do ham? Sihol maluah do ham humbani panjajahanni ai? Na bajanni: Naagan seng ope diri talu ibahen tonduy na mabutak ai, hape domma ham tabanni. Tonduy ni Naibata do na boi patidak ai hu banta. Sambatni >>
Dong ma sada naboru na marumur 17 tahun, na nengel janah longah. Masuk ma ia hu parsikolahan ni sisonai. Na sain dokah seng ongga ibogei pasal Naibata, tapi i parsikolahanni ai ibogei ma pasal Naibata na pansing janah na pintor. Magigi tumang do ia bani dousa ni jolma. Sambatni >>
Parinangon on domma sapuluh dua tahun boritan, domma bois duit partambar. Ibahen panambari ai pe bois ni pambotohni, tapi lalab do seng ra malum, ai ma ase laho ia bani Tuhan Jesus, anjaha dapot hamalumon. Sambatni >>
Buei do haporsayaon ni hita halak Kristen sonari on sonon: porsaya do ia, tapi hurang do tenger ni uhurni bani Tuhan Jesus. Tardidi do gabe Kristen. Tapi sai tarahap do ari-ari hurang ni haporsayaonta. Porlu ma homa tonggonta: Porsaya do ahu! Urupi Ham ma ahu bani hurang ni haporsayaonku. Sambatni >>
Hira uhur riap do ai sangsi bani partolongan ni Tuhan Jesus ai do ase lang ijalo halak partolongan ni Tuhan Jesus ibagas hasunsahanni. Tapi ham ulang be sangsi bani partolongan ni Tuhan Jesus. Tuk do gogohni janah ra do Ia paluahkon ham humbani dousamu. Sambatni >>
Sonaha, songon si Simon do ham? Otik do holong ni uhurmu bani Tuhan Jesus? Ningon iahap hita do partolongan banggal na binahen ni Tuhan Jesus, na manasap dousanta na buei in, na banggal in. Anggo sonai banggal ma holong ni uhurta Bani. Sambatni >>
“Halani ai huhatahon ma bamu: Domma sasap dousani na buei ai, ai buei do taridah holong ni uhurni, tapi anggo otik do isasap dousa ni halak, otik do holong ni uhurni” (Lukas 7:47). Sanggah bani parmanganan i pesta Parisei Tuhan Jesus, roh ma sada naboru na sura-surani ningon pajumpah ia pakon Tuhan Jesus. Mase ma nani sonai banggal ni holongni bani Tuhan Jesus? ….Sambatni >>
Tapi Tuhan Jesus lobihan nabi do, ai na mangindahi janah pagoluhkon na magou do Ia ase roh, paluahkon pardousa. Ibotoh do homa pangindoan ni uhur ni naboru ai ase mardamei ia pakon Naibata. Halani ai maidop ma uhur-Ni. Sambatni >>
Domma iparnalang si Petrus Tuhan Jesus sanggah na masuk Ia bani sitaronon mangkopkop hita ampa mangkopkop si Petrus. Domma iluarhon: “Seng hutanda halak ai”. Ijai ma marhusor Tuhan Jesus ikawahkon ma si Petrus. Sambatni >>
Tenger do uhur ni si Petrus bani dirini ronsi gogohni mangkaholongi Tuhan Jesus, guruni ai. Tapi aha do na masa bani halak na martenger ni uhur bani dirini ai? Saud do ia rap matei pakon Guruni ai? Seng tarsuhunisi bagah-bagahni. Iparnalang do Tuhan Jesus. Sambatni >>
Recent Comments