Renungan Harian "Tadah ni Tonduyta"
Humbani buku renungan harian berbahasa Simalungun, "Tadah ni Tonduyta" sinuratkon ni Pdt J Wismar Saragih (1888 – 1968) bani tahun 1965, paduahon dob "Manna"
“Tapi sedo marguru bani uhur-Hu, uhur-Mu do! (Mat 26:39b) Ai ma ujung ni tonggo ni Tuhan Jesus i pohon Getsemane bani paruntolonni na parah ai. Sonai do homa ipodahkon banta bani tonggo na pansing ai: “Sai saud ma harosuh ni uhur-Mu i nagoritongah on songon na i nagoriatas”. Sambatni >>
“Jaga ma hanima anjaha martonggo ase ulang hanima hona parlajoan”! In ma hata sipaingat ni Tuhan Jesus bani susianni bani borngin parpudi sanggah rap sidea. Ibotoh Tuhan Jesus, dob sirang sidea paima-imahon do parlajoan ai bani sidea. Sambatni >>
Buei tumang do na talu ibahen sibolis dob ipatidak hinajenges ni arta na i dunia on. Ibagas na mangayaki hinajenges ni arta ai jolma, deba lang be dong panorang mardingat Naibata, arta ai mando ipardakdak. Sambatni >>
Si Adam nalobei ni pardagingonta, ilajou sibolis, gabe lupa ia bani hata ni Naibata, dobni talu. Tuhan Jesus Kristus nalobei ni partonduyonta pe ilajou sibolis do, tapi tongtong do idingat hata ni Naibata, gabe talu sipanlajou ai ibahen. Halani ai ….Sambatni >>
On do sungkun-sungkun banta sanggah na laho tardidi atap sanggah rnanoksihon haporsayaon: Porsaya do ham bani Naibata Bapanta pakon bani Tuhanta Jesus Kristus ampa bani Tonduy na Pansing? Balosta: Porsaya do. …. Sambatni >>
Buei do halak na mangindohon bani Naibata: Tambahi Ham ma haporsayaonnami. Na mangindo ai, na dob iahap do otik ni haporsayaonni pakon galekni. Ipindo ipargogohi Naibata ase lambin tenger uhurni bani Naibata pakon bani Hatani. Ra do Naibata mambalosi tonggo na sonai ai. Sambatni >>
Ai lang ai ma sada na patut hamegahonkonta sanggah roh parlajoan banta? Ai lang ai ma mambere gogoh banta mangimbang parlajoan? Jesus Kristus simada kuasa i nagoriatas pakon i nagoritongah on do mantonggohon hita, ulang miloh haporsayaonta. Sambatni >>
Bani ganup halak na tardidi roh do Naibata, mangkatahon: Sonari hudilo ma ho hubagas harajaon ni Naibata, huain ma ho gabe niombah-Ku, lang be uhumon ho romban hubani dousamu, tapi romban hubani pangkopkopon ni Tuhan Jesus Kristus. Sambatni >>
Ibahen na marpangidah do hita ase boi ibasa hita hata ni Naibata. Tapi dong do deba hita seng marpangidah mata ni uhurni. Seng ididah uhurni holong ni atei ni Naibata banta. Sambatni >>
Ra domma das bamu ojur-ojur na mangkatahon ase roh ham bani Tuhan Jesus, Ia do Anak ni ni Naibata na mamorsan dousa ni dunia on, pakon na mamorsan dousamu homa. Ongga ma das bani pangahapmu, tongon Tuhan Jesus na mamorsan dousamu? Sambatni >>
Recent Comments