Renungan Harian "Tadah ni Tonduyta"
Humbani buku renungan harian berbahasa Simalungun, "Tadah ni Tonduyta" sinuratkon ni Pdt J Wismar Saragih (1888 – 1968) bani tahun 1965, paduahon dob "Manna"
Na hun dunia on do hita, uhurta pe uhur dunia on hinan do. Tapi dob idilo Naibata hita hubagas Harajaonni ningon legan ma hita, lang sarupa pakon dunia on, ningon tukar, marubah ma uhurta ase boi itanda, ibotoh hita harosuh ni Naibata. Sambatni >>
Anggo dong na manungkunkon: Sonaha do ase hubotoh paboa Anak ni Naibata do Tuhan Jesus? Ase hubotoh na sintong do podahni? Balos ni Tuhan Jesus bani sungkun-sungkun na sonai ai; ai ma ayat na iatas in. Sambatni >>
Dong do deba na mangkatahon, anggo idilo Naibata ahu maningon roh do ahu. Hata tugan ni halak na so mananda dirini do ai. Bani halak sisonai porlu tumang, ase roh Tonduy ni Naibata patandahon dousani bani sandiri. Salengkapni >>
Seng dong halak na boi mandalankon titah in janah dapotan hagoluhan marhiteihon ai. Bani hita pardousa seng dong dalan na legan, ase das hu haluahon sobali marhitei na mangkaporsayai Jesus Kristus. Tuhan Jesus do na mandalankon Tonduy ni titah ai, mandalankon rosuh ni Bapani. Sambatni >>
Naha, anggo nairikkon ma Tuhan Jesus, lang pala be nadalankon titah ni Naibata? Sasintongni lang pala be! Ai nanidok ni titah ai mandalankon harosuh ni Naibata do. Marhitei haporsayaon bani Jesus Kristus, salih do hita gabe anak ni Naibata, na mandalankon harosuh ni Naibata, sedo sinuruh ni titah, tapi ….Sambatni >>
“Ai ganup do hita seng manggoluh bani dirini ni anjaha ganup do hita seng dong matei bani dirini”. Sonai do hita on homa seng manggoluh bani dirinta. Gok bani Naibata do goluhta. Anggo torang iantusi hita ai, tontu seng ipindahi hita hasangaponta, tapi hamuliaon ni Naibata do. Sambatni >>
“Tapi sedo marguru bani uhur-Hu, uhur-Mu do! (Mat 26:39b) Ai ma ujung ni tonggo ni Tuhan Jesus i pohon Getsemane bani paruntolonni na parah ai. Sonai do homa ipodahkon banta bani tonggo na pansing ai: “Sai saud ma harosuh ni uhur-Mu i nagoritongah on songon na i nagoriatas”. Sambatni >>
Gati do homa roh parlajoan banta. Na porlu banta, gendo iahap hita parlajoan ai, sonaha pe alusni. Ai on do arihan. Laho pasaud harosuh ni Naibata do hata ai atap harosuh ni jolma. Sambatni >>
Harajaon ni Naibata, ai ma pardomuan ni Naibata Raja pakon hita na porsaya nirajaanni. Iakuhon uhurta Naibata do Raja sisungkunon ibagas goluhta. la ma mamarentah mangkuasai goluhta. Sambatni >>
“Anjaha sagala na pinindonima ibagas tonggonima, sai na jaloonnima do, anggo porsaya hanima.” Sedo bani simbuei ihatahon Tuhan Jesus bagah-bagah ai, pitah bani susianni do. Bani susianni pe seng ihatahon sagala pinindoni dapotsi, tapi pinindoni ibagas haporsayaon ai do jaloonni. Sambatni >>
Recent Comments