1 Oktober: Ganup do manumpak bani ni madear bani na marholong ni atei bani Naibata

 

 
“𝘼𝙞 𝙞𝙗𝙤𝙩𝙤𝙝 𝙝𝙞𝙩𝙖 𝙙𝙤 𝙖𝙜𝙚 𝙖𝙝𝙖 𝙥𝙚 𝙢𝙖𝙣𝙪𝙢𝙥𝙖𝙠 𝙝𝙪𝙗𝙖𝙣𝙞 𝙣𝙖 𝙢𝙖𝙙𝙚𝙖𝙧 𝙙𝙤 𝙗𝙖𝙣𝙞 𝙨𝙖𝙜𝙖𝙡𝙖 𝙣𝙖 𝙢𝙖𝙧𝙝𝙤𝙡𝙤𝙣𝙜 𝙣𝙞 𝙖𝙩𝙚𝙞 𝙗𝙖𝙣𝙞 𝙉𝙖𝙞𝙗𝙖𝙩𝙖, 𝙖𝙞 𝙢𝙖 𝙣𝙖 𝙙𝙤𝙗 𝙞𝙙𝙞𝙡𝙤 𝙢𝙖𝙣𝙜𝙞𝙝𝙪𝙩𝙠𝙤𝙣 𝙨𝙪𝙧𝙖-𝙨𝙪𝙧𝙖𝙣𝙞. 𝙎𝙤𝙣𝙖𝙝𝙖 𝙢𝙖 𝙣𝙞𝙣𝙩𝙖 𝙥𝙖𝙨𝙖𝙡 𝙖𝙞? 𝘼𝙣𝙜𝙜𝙤 𝙉𝙖𝙞𝙗𝙖𝙩𝙖 𝙝𝙖𝙨𝙤𝙢𝙖𝙣𝙩𝙖, 𝙞𝙨𝙚 𝙣𝙖𝙧𝙞 𝙞𝙢𝙗𝙖𝙣𝙜𝙩𝙖? 𝙎𝙚𝙣𝙜 𝙞𝙡𝙞𝙤𝙞 𝘼𝙣𝙖𝙠𝙣𝙞 𝙨𝙖𝙣𝙙𝙞𝙧𝙞 𝙩𝙖𝙥𝙞 𝙞𝙤𝙣𝙙𝙤𝙨𝙠𝙤𝙣 𝙝𝙖𝙡𝙖𝙣𝙞 𝙝𝙞𝙩𝙖, 𝙩𝙤𝙧 𝙡𝙖𝙣𝙜 𝙞𝙗𝙚𝙧𝙚𝙝𝙤𝙣 𝙧𝙖𝙥 𝙥𝙖𝙠𝙤𝙣𝙨𝙞 𝙖𝙜𝙚 𝙖𝙝𝙖 𝙥𝙚 𝙝𝙪 𝙗𝙖𝙣𝙩𝙖?” (Roma 8: 28, 31, 32)
 

Sagala na masa atap na dong, ganup do manumpak bani ni madear bani na marholong ni atei bani Naibata, bani na porsaya: Naborit, pusok ni uhur, parlajoan ampa sitaronon, goluh hajorgiton, liah, sangap, ganup do ai manumpak bani na madear bani na marholong ni atei bani Naibata.

Halani holong ni Naibata na rati pakon holongta dompak Naibata, aha pe lang harusakta, mangidah aha pe seng hita bobor. “Anggo Naibata hasomanta ise nari imbangta?” Domma ibere banta sibere-bere tang na banggal, ai ma Anakni na marsitaronon janah matei halani hita, ai lang bereonni ma banta na legan ai?

Bereonni ma banta gogoh mangimbang parlajoan ampa mangimbang hajahaton.

Bereon-Ni do banta malas ni uhur age i tanoh on ambah ni malas ni uhur magira ai. Sagala nadageita i tanoh on, manumpak ma ai bani pasu-pasu hu hanta. Bani masa ni hasunsahan, hatahon ham ma ibagas uhurmu: “Domma ibere Anakni ai bangku matei bani hayu parsilang, tontu bereonni do bangku sagala na porlu mangihutkon panorang ni Naibata.

Ai tongon do holong uhurmu bani Naibata? Holongan do uhurmu bani Naibata ase bani sagala na dong?

Pindoonta ma bani Naibata, ase isuan janah ipabanggal holong ni uhurta Bani. Holongmu bani Naibata do panguntuni ase manumpak bani na madear sagala na masa bamu. Jadi honan ma hita bani bagah-bagah ni Naibata na ibagas ayat na iatas in.


𝙏𝙖𝙧𝙞𝙢𝙖 𝙠𝙖𝙨𝙞𝙝 𝙢𝙖 𝘽𝙖𝙢𝙪 𝙉𝙖𝙞𝙗𝙖𝙩𝙖, 𝙞𝙗𝙖𝙝𝙚𝙣 𝙃𝙖𝙢 𝙙𝙤 𝙢𝙖𝙣𝙪𝙢𝙥𝙖𝙠 𝙗𝙖𝙣𝙞 𝙣𝙖 𝙢𝙖𝙙𝙚𝙖𝙧 𝙨𝙖𝙜𝙖𝙡𝙖 𝙣𝙖 𝙢𝙖𝙨𝙖 𝙗𝙖𝙣𝙣𝙖𝙢𝙞, 𝙥𝙪𝙨𝙤𝙠 𝙣𝙞 𝙪𝙝𝙪𝙧 𝙖𝙩𝙖𝙥 𝙢𝙖𝙡𝙖𝙨 𝙣𝙞 𝙪𝙝𝙪𝙧 𝙥𝙚. 𝙏𝙖𝙢𝙗𝙖𝙝𝙞 𝙃𝙖𝙢 𝙢𝙖 𝙝𝙤𝙡𝙤𝙣𝙜 𝙣𝙞 𝙪𝙝𝙪𝙧𝙣𝙖𝙢𝙞 𝙝𝙪 𝘽𝙖𝙢𝙪. 𝘼𝙢𝙚𝙣.
 
Haleluya No. 152: 2, 3 Na Sonang Au Dob na Mar Tuhan Au

2. 𝘚𝘰𝘯𝘢𝘯𝘨 𝘮𝘢 𝘢𝘶, 𝘢𝘪 𝘮𝘢𝘮𝘣𝘶𝘳 𝘥𝘰 𝘩𝘢𝘱𝘦 𝘱𝘶𝘴𝘰𝘬𝘯𝘪 𝘶𝘩𝘶𝘳𝘩𝘪𝘯.
𝘔𝘦𝘨𝘢𝘩 𝘮𝘢 𝘢𝘶 𝘳𝘰𝘯𝘴𝘪 𝘢𝘯𝘵𝘪𝘨𝘢𝘯 𝘱𝘦 𝘪𝘢𝘱𝘰𝘩 𝘑𝘦𝘴𝘶𝘴𝘬𝘪𝘯.
𝘚𝘦𝘯𝘨 𝘩𝘶𝘩𝘰𝘳𝘶𝘩𝘰𝘯 𝘣𝘦 𝘨𝘰𝘭𝘶𝘩𝘬𝘶, 𝘨𝘢𝘯𝘶𝘱 𝘥𝘰 𝘨𝘶𝘳𝘶 𝘣𝘢𝘪 𝘉𝘢𝘱𝘢𝘯𝘨𝘬𝘶.
𝘚𝘦𝘯𝘨 𝘮𝘢 𝘢𝘶! 𝘚𝘰𝘯𝘢𝘯𝘨 𝘮𝘢 𝘢𝘶!

3. 𝘚𝘰𝘯𝘢𝘯𝘨 𝘮𝘢 𝘢𝘶! 𝘉𝘶𝘫𝘶𝘳 𝘥𝘰 𝘉𝘢𝘱𝘢𝘯𝘨𝘬𝘪𝘯 𝘯𝘢 𝘮𝘢𝘯𝘴𝘢𝘳𝘪𝘩𝘰𝘯 𝘢𝘶.
𝘫𝘢𝘯𝘢𝘩 𝘭𝘢𝘺𝘢𝘬; 𝘨𝘢𝘯𝘶𝘱 𝘯𝘢 𝘱𝘰𝘳𝘭𝘶 𝘪𝘣𝘦𝘳𝘦 𝘥𝘰 𝘵𝘰𝘯𝘨 𝘢𝘶.
𝘗𝘢𝘳𝘣𝘦𝘨𝘶 𝘥𝘰 𝘯𝘢 𝘮𝘢𝘯𝘨𝘬𝘰𝘭𝘴𝘰𝘩𝘬𝘰𝘯 𝘨𝘰𝘭𝘶𝘩𝘯𝘪 𝘱𝘢𝘬𝘰𝘯 𝘴𝘪𝘱𝘢𝘯𝘨𝘢𝘯𝘰𝘯.
𝘈𝘶 𝘴𝘰𝘯𝘢𝘯𝘨 𝘥𝘰! 𝘈𝘶 𝘴𝘰𝘯𝘢𝘯𝘨 𝘥𝘰!

~Pdt J Wismar Saragih, Tadah ni Tonduyta

<< 30 September: Ra do Martorap Ham Mardalan Bani na Golap

2 Oktober: “Mase sai unduk ham tonduyhu anjaha rusak ibagas diringku” >>

tnt1001