Paturut ma rap tubuh paima jumpah sabion. (Mateus 13: 30a)
Dapot do hata on bani limbaga pasal omei pakon simaromei-omei. Balos ni tuanni do ai dompak siparhorja juma ai na sihol patumpuhon simaromei-omei ai, ase ulang dihut omei tarorbat.
Humbani balos ai tarusi hita maholni manisia manligah ise na hampit Naibata, ise na sirang humbani Naibata. Ai anggo hita jolma pardarat do hansa ididah hita, tapi Naibata ididah do das hubagas uhurta. Naibata ididah do goluh partonduyon na mamungkah tubuh, ibogei do sungkun-sungkun ni uhur na nanget: Sonaha do ase gabe anak ni Naibata ahu? Itangar do ai humbani malas ni uhurni.
Halani seng siidah uhur hita, seng dear ituduh hita: Sianu sonon, sianu sonan, halani pardarat do hansa ididah hita. Tarima kasih ma bani Naibata halani lumbang ni uhur-Ni mangidah hita. Ipaima ope atap sadihari hita simaromei-omei salih jadi omei. Tapi seng tarbahen jolma ai, Naibata do hansa na boi paubahkon hita, asal ma ra hita topaon ni Hatani pakon Tonduyni.
Lumbang ni uhur ni Naibata do ai mangidah hita jolma. Tapi sagala na lumbang itanoh on dong do bolat-bolatni. Tapi bani ujung ni bohalmu, bani ari paruhuman magira ai, lang dong be ijai lumbang ni uhur.
Porlu ingatonta, ia panorangta laho hu hamubahon ni uhur pondok do, sibar ujung ni goluhta do. Dob matei hita lang be tarpaubah hita uhurta. Lang tarsibar hosah, ulang ni uhurmu poso pe ahu. Halani ai sonari do paubahonta uhurta, sonari do paubahonmu uhurmu ulang marpatar-patar.
Borongan ni ganup halak do na paubah uhurni nini hata ni Naibata: “Paubah hanima ma uhurnima.” Tapi dob maruntol hita laho paubah uhurta, ra do Naibata mangurupi hita, asal ra hita mangondoshon paruntolon ai hu Bani.
Ham Tuhan Naibata. Bapanami! Urupi Ham ma hanami paubah uhurnami. Amen.
Haleluya No. 50: 2, 4. Sai na Margantih Tahun on >>
2. Iudut Ham do hosahkin paidah-idah ahu,
Atap na dong do buah ni horja-Mu in hu bangku;
Hape gati hiranan Ham: Buah ni in seng jumpah Ham
4. Halani kinahuhon-Mu do au, ase manggoloh;
Sonon nimu bai Bapa-Mu: Paturut ma manggoloh;
Haron, holong ma atei-Mu, taun roh pe das uhum-Mu.
Recent Comments