April 20: “Domma puho Ia”

 

“Seng ijon ia, domma puho Ia”. (Lukas 24 : 6)

Hunjon ma torang banta, tangkas puho Tuhan Jesus humbani tanoman. Buei do halak na sangsi na. manungkunkon: Tongon do Tuhan Jesus puho humbani na matei? Dapot hita do hatorangan ai humbani na mangidah dob puho Ia humbani na matei.

Bani 1 Korintus 15 : 3-8 tarsurat do: “Na dob matei do Kristus halani dousanta, mangihutkon surat in. Na dob tartanom do Ia anjaha puho bani ari patoluhon, mangihutkon surat in. Domma taridah Ia bani si Kepas, dob ai bani na sapuluh dua in, ipudi ni ai taridah do Ia bani sanina lobih 500 halal santorap. Buenan pe sidea na manggoluh nuan, tapi deba domma modom. Ipudi ni ai taridah do Ia bani si Jakobus, dob ai bani haganup apostel. Tang parpudi taridah ma Ia bangku”.

Nabotoh humbani sejarah na buei do na manaron na marsik halani saksi ni hata ai. Tapi inunut do isaksihon na sintong ai, na dob puho Tuhan Jesus humbani nu matei. Domma ididah side Ia anjaha ibeigei sahap-Ni. Dong do sidea na matei halani hasaksian ai, ai ma na ginoran matei martir (matei mangkopkop haporsayaonni).

Humbani sejarah ai ibotoh hita na sintong tumang do Tuhan Jesus puho humbani na matei. Hita na porsaya sonari pe mangahap do na torang manggoluh Tuhan Jesus, ai iparsahapkon hita do Ia, ibalosi do pangindoanta. Ihasomani homa hita janah iparsahapkon homa hita dumpar marhitei hata-Ni na tarsurat in.

Iahap na porsaya do na torang puho Tuhan. Partuhan na manggoluh do hita.

 

Ham Tuhan Jesus! Tarima kasih ma Bamu, ai manggoluh do Ham hanami pe ningon manggoluh do mangihutkon Ham. Sai manggo10.ma Ham,h,prna ibagas uhumami. Amen.

Haleluya No. 170 :1 – 3: Sai Naigori Atas Do

1. Sai nagori atas do situjuaon ni uhurta;
Ai na manginsolat do hita i nagori tongah.
Pardagangan tanoh on, surga hasusuranta in.
2. O tonduyhu, tatap ma, surga in, hasusuranmu.
Tanoh on tundalhon ma seng talup in iananmu.
Surga do tujuan ni na torang maruhur in.
3. Jesus mangkatahon au: “Sai tujui ma dompak babou”.
Ulang lambin sirang au humbai hasusuran, kahou;
Ia tong hudingat in, das ma au use hujin.