12 Agustus: “Masuki ma horbangan na sompit in”

tnt_agu12_mat7_13_14

 

“Masuki hanima ma horbangan na sompit in, ai tahar do horbangan anjaha bolag do dalan hu hamagoan anjaha buei do halak na masuk hujai. Tapi sompit do horbangan anjaha etek do dalan na dompak hagoluhan anjaha otik do na jumpahan ai”, (Mateus 7: 13,14)

Sungkunonta ma dirinta: Na dob dihut ma ahu bani mammasuki horbangan na sompit ai?

Sungkun-sungkun on ningon nasungkunkon ilobei ni Naibata na marmulia in. Ra do lang ibotoh ham naija horbangan na sompit ai atene? Ai ma mansopotkon dousa bani Naibata janah manjalo hasasapan ni dousa ai marhitei Tuhan Jesus Kristus. Maruntol manlawan dousa janah magigi mangidah dousa. Sompit do ai, seng boi boanon hapintoron diri sandiri. Holong pakon idop ni uhur ni Naibata do hansa pangunsagaonkon bani diri pardousa na madoyuk on.

Domma iahap ham na dob gabe niombah ni Naibata ham? Domma ijalo uhurmu ai marhitei Pandidion na Pansing? Dob imasuki ham horbangan na sompit ai, domma idalani ham dalan na etek ai?

Nini Tuhan Jesus pasal dalan ai, sonon: “Sagala na sihol gabe susianku ipamalang ma dirini, iporsan ma silangni ari-afi mangihutkon Ahu“. Seng sungkup asal na pamalang diri diri, maruntol pe hita tong, maruntol pe hita tong dompak dousa, janah manggoluh mangihutkon rosuh ni Naibata, Bapanta ai.

Tuhan Jesus do, na mangkatahon banta mammasuki horbangan pakon dalan na sompit ai. Age pe mahol ai, ra do Tuhan Jesus mangurupi hita mandalankon ai. Sagala haboratanmu bani dalan na sompit ai, suhutkon ham bani Tuhanta. Tenger ma uhurmu urupan-Ni do ham.

Ase hun torang banta: Dalan na lumbang ai, ai ma hatagihan manonton, hatagihon marjudi, hatagihan marmabuk-mabuk, hatagihan mangkorjahon habutakon. Mansuhuni rosuhni bani gabeini.

Dalan na sompit ai, buei na ulang, sagala nilarang ni titah ni Naibata nilarang ni hata ni Naibata, lang malo horjaonkon.

 

Ham Tuhan Jesus! Patenger Ham ma uhurhu mammasuki horbangan na sompit ai pakon mandalani dalan na etek ai mangirikkon Ham das hu hagoluhan na sadokah ni dokahni. Hasomani janah pargogohi Ham ma ahu paihut-ihut Ham. Amen.

Haleluya No. 107: 1, 2, 5: Irikkon Nasiam ma Au >>

1. Irikkon nasiam ma Au, nai hatani Tuhanta
Sai parnalang ma dirimu, hatangku malah harga
Sai mambur bahenlah ganup, parlahoumin na so talup
2. Au do palihar dalanmin, na dompak hagoluhan;
Ai seng be kahou langkahmin, daoh pakon hamagouan.
Au parhiteian na bujur, bai hasonangan na botul!

5. Seng na tarbaen hanami in, ipingkir uhurnima;
Ulang mabiar halanin, Au do hasomannima.
taluhonon-Ku munsuh in, tenger uhurmu pasal in.

13 Agustus: “Tuk do kuasa ni Naibata pasaudkon bagah-bagah-Ni” >>

<< 11 Agustus: Manjalo Tonduy ni Naibata

tnt100812