“Jadi nini (Tuhan Jesus) ma dompak sidea: Roh ma nasiam ase ididah nasiam” (Johanes 1 : 40)
Sonaha do pandapotmu pasal Jesus na hun Nasaret? Porsaya do ham paboa Kristus do Ia Anak ni Naibata? Atap ninuhurmu jolma na lobih do hansa Ia janah na banggal (oraang besar)? Hunja do roh ni timbanganmu ai, hata ni halak do hansa ibogei ham, atap ibasa ham pasal Tuhan Jesus? Atap domma iparlajari ham pasal pargoluhon ni Tuhan Jesus.
Sungkun-sungkun na manungkunkon: “Ise do Jesus?” Ai ma sada sungkun-sungkun na porlu tumang. Seng sungkup sonaha nini halak pasal-Si. Hatani ai do: “Roh nasiam ase ididah nasiam!”
Pargoluhon-Ni i tanoh on hata niluarhon-Ni, torang do bamu, age pe lang be ididah hita sandiri badan-Ni sandiri, janah seng ibogei hita hata-Ni dumpar. Tapi hatani na tarsurat das do banta.
Roh ma ham bani Tuhanta Jesus, gabe ibotoh ham ma hasintongan ni goluh-Ni, pambahenan-Ni, marsahap do bamu, sedo pitah bani uhurmu, tapi das do bani pangahapmu. Tonggor ham ma gogoh-Ni ampa goluh-Ni bani marjuta-juta halak na porsaya i dunia on, horbangan ni nagoritoruh seng pag mandompakkon-Ni.
Seng marpangkorhon ai bamu? Seng dong na songon-Si na margogoh paluahkon. Ningon ibotoh ham do ai. Ningon das do ham bani pangakuan on: “Ia do tongon Kristus Anak ni Naibata na manggoluh”.
Anggo lape das ham hubani panandaon na sonai ai, roh ma ham bani Tuhan Jesus ibagas tonggomu, manrogop ma ham manombah hu Bani mangkatahon: “Ham Tuhan Jesus!” Patandahon Ham ma Dirimu hu bangku! Ham Tonduy na Pansing, patandahon Ham ma Tuhan Jesus bangku! Ham Tuhan Naibata, patandahon Ham ma Anakmu sisada-sada in, Jesus Kristus bangku! Ulak-ulak ham ma sonai, janah elek-elek ham. Dobni gabe torang ma bamu ise Jesus Sipaluah hajolmaon in janah Sipaluah ham.
Ham Tuhan Jesus! Bere Ham ma bannami uhur na sihol mangindahi Ham ase ididah hanami Ham age ibagas Kuriamu na mangkamham ganup dunia on. Amen.
Haleluya No 187 :1, 2: O Tuhan na Marholong Atei >>
1. O Tuhan na marholong atei na so tartimbang jolma in
Ai halak si pardousa bagei na rap mamuji goran-Mu.
Ibaen buei ni layak-Mu, marhitei-hitei Jesus in.
2. Ibahen Ham do pardearan, salosei dousa in ganup;
In do mangkorhon haluahon bani parjahat ganup.
Ai pe tarima kasih, au on Bamu, o Naibata
29 Juli: Lobih humbani hapintoron ni Parisei >>
<< 27 Juli: Bahen Sinjata Hasintongan
tnt160728
Recent Comments