20 Nopember: Mase lang ra hita marholong ni uhur bani hasomanta?

 

 

“𝙂𝙖𝙗𝙚 𝙞𝙙𝙞𝙡𝙤 𝙩𝙪𝙖𝙣𝙣𝙞 𝙖𝙞 𝙢𝙖 𝙞𝙖, 𝙣𝙞𝙣𝙞 𝙢𝙖 𝙙𝙤𝙢𝙥𝙖𝙠𝙨𝙞: 𝘼𝙡𝙚 𝙝𝙤 𝙟𝙪𝙖𝙠-𝙟𝙪𝙖𝙠 𝙣𝙖 𝙟𝙖𝙝𝙖𝙩! 𝙃𝙪𝙗𝙖𝙡𝙞𝙝𝙤𝙣 𝙙𝙤 𝙝𝙖𝙜𝙖𝙣𝙪𝙥 𝙪𝙩𝙖𝙣𝙜𝙢𝙪, 𝙝𝙖𝙡𝙖𝙣𝙞 𝙞𝙚𝙡𝙚𝙠-𝙚𝙡𝙚𝙠 𝙝𝙤 𝙖𝙝𝙪”. (Mateus 18 : 32)

 

 

Domma isasap Naibata ganup utangta, halani ielek-elek hita Ia, domma isasap panlanggaronta. Mase? Halani idop ni uhur-Ni pakon holonni atei-Ni banta. Ijalo do hita tong anggo roh hita hu Bani mangindo ampun pakon hasasapan ni dousa.

 

Sonai ma holong-Ni banta.

Sonaha do patut holongta Bani?

 

On do ipindo Naibata: Sonai ma holong-Ni banta, ipindo do ase sonai homa holongta bani hasomanta jolma. Ningon humbani banggal ni uhurta bani parholong ni atei ni Naibata manasap dousanta, manjuljul hita, maridop ni uhur dompak samah hita jolma.

 

Bani hata na tarsurat i atas in taridah, age pe mangindo idop ni uhur jolma, marpulo-pulo do pinindoni ai. Hubani sandiri dear ma roh idop ni uhur ni Naibata, tapi bani na legan lang pala. Seng ra ia parhitean ni idop ni uhur ai, seng ra maridop ni uhur dompak hasomanni jolma.

 

Juak-juak na jahat do hita haganupan na patut uhumon ni Naibata.

 

Mase lang ra hita marholong ni uhur bani hasomanta?

 

Halani juak-juak na jahat hita, ai do. Ipindo hita do holong ni atei ni Naibata banta, tapi seng ra hita marholong dompak hasomanta, patidakkon na dob ihaholongi Naibata hita.

 

Juak-juak na jahat do hita na mambotoh mangindo pakon manjalo holong ni atei ni Naibata, tapi seng ra mambere holong ai deba bani hasoman jolma.

 

Pindoonta ma bani Naibata, ase holong-Ni ai mantaluhon uhur na hurang ai, ase monang holong-Ni ai ibagas uhurta.

 

Sedo pitah ai, holong-Ni ai boi mamboan hita hu hagoluhan na sadokah ni dokahni.

Hita na dob manjalo idop pakon holong ni uhur ni Naibata, ningon mangahadap janah mambotoh maridop ni uhur bani hasomanta, ase juak-juak na madear hita.

 

 

 

𝙃𝙖𝙢 𝙏𝙪𝙝𝙖𝙣 𝙉𝙖𝙞𝙗𝙖𝙩𝙖! 𝙡𝙗𝙤𝙩𝙤𝙝 𝙃𝙖𝙢 𝙙𝙤 𝙢𝙖𝙝𝙤𝙡𝙣𝙞 𝙗𝙖𝙣𝙣𝙖𝙢𝙞 𝙥𝙖𝙧𝙙𝙤𝙪𝙨𝙖 𝙤𝙣, 𝙢𝙖𝙣𝙖𝙨𝙖𝙥 𝙨𝙖𝙡𝙖𝙝 𝙣𝙞 𝙝𝙖𝙨𝙤𝙢𝙖𝙣 𝙙𝙤𝙢𝙥𝙖𝙠 𝙝𝙖𝙣𝙖𝙢𝙞. 𝙐𝙧𝙪𝙥𝙞 𝙃𝙖𝙢 𝙢𝙖 𝙝𝙖𝙣𝙖𝙢𝙞 𝙢𝙖𝙣𝙩𝙖𝙡𝙪𝙝𝙤𝙣 𝙪𝙝𝙪𝙧𝙣𝙖𝙢𝙞 𝙣𝙖 𝙝𝙪𝙧𝙖𝙣𝙜 𝙖𝙞. 𝘼𝙢𝙚𝙣.

 

 

Haleluya No. 183: 1, 4: Ari na so Maringgan in >> https://bit.ly/3DzqyQp