18 Nopember: “Anggo mardousa saninamu”

 

“𝘼𝙣𝙜𝙜𝙤 𝙢𝙖𝙧𝙙𝙤𝙪𝙨𝙖 𝙨𝙖𝙣𝙞𝙣𝙖𝙢𝙪, 𝙥𝙖𝙧𝙖𝙮𝙖𝙠 𝙖𝙣𝙟𝙖𝙝𝙖 𝙖𝙟𝙖𝙧𝙞 𝙢𝙖 𝙞𝙖, 𝙝𝙖𝙣𝙞𝙢𝙖 𝙥𝙖𝙙𝙪𝙖-𝙙𝙪𝙖. 𝘼𝙣𝙜𝙜𝙤 𝙞𝙩𝙖𝙣𝙜𝙞𝙝𝙤𝙣 𝙝𝙤, 𝙜𝙖𝙗𝙚 𝙝𝙖𝙨𝙤𝙢𝙖𝙣𝙢𝙪 𝙢𝙖 𝙞𝙖 𝙪𝙨𝙚”. (Mateus 18: 5)

 

 

Lang marosuh Naibata magou jolma, sada pe ulang haganup ma namin das hu hamubahon ni uhur janah manjalo idop ni uhur ni Naibata.

 

Sonai do homa pingkiran ni anak-anak ni Naibata. Holong do uhurni mangidah halak na sirang humbani Naibata. Sai sihol boanonni do mulak sisonai ai bani Nabata. “Anggo mardousa saninamu, parayak anjaha ajari“, artini: Patidak hahuranganni, tapi sedo manggilai, atap pahirihon.

 

Mamodahi, humbani holong do. Ningon tarahap parroh diri humbani holong do. Pindoon do humbani Naibata ase iparmaloi diri ase mangasi horja ai. Holongta pe seng asi anggo na itombei-tombei do hansa, ningon holong binere ni Naibata do, ase ipasupasu ham bani goluhmu ibagas sundutmu.

 

Gati do ibagas na pagolpahon hasoman hita, dong otik songon na pahirihon iahap na pinagolpa ai. Anggo sonai sedo hita na padohorhonsi hu bani Naibata, padaohkon do. Ibagas hata martuktodung do ai ponop, artini padua-dua hansa, seng dong na legan na mambogei, sobali Tuhan. 

 

Ia lang pe hita padohorhon hasomanta bani Tuhan, gendo ulang padaohkon.

Tarahap do bani hasomanta atap na roh hita humbani holong atap lang.

 

Laho mandalankon sisonai ai hita pindoonta do pangurupi ni Tuhanta banta.

 

Hasomanta na marhahurangan dompak Kuria, (uhurta) sai itangar hasoman do sihol pagolpaonta. Seng sonai, “martuktodung” do, padua-dua do, hita do hansa pakon siparayakon ai. Ra on do salahta pagolpa hasomanta atap na dob in.

 

Sai iurupi Tuhanta ma hita mandalankon podah-Ni ai.

Harga do sipaingat padua-dua. Halani ai anggo laho mardousa ididah hita hasomanta, bahen hita panorangta marayaksi. Ulang songon pingkiran somal: “Gendo ulang humbangku rohni”. Pingkiran sisonai ai manlopasi diri do ai. Tapi i lobei ni Naibata seng maluah hita sonai tumang. Pagolpaonta do ai janah tonggoonkonta homa.

 

 

𝙃𝙖𝙢 𝙏𝙪𝙝𝙖𝙣 𝙅𝙚𝙨𝙪𝙨! 𝙏𝙖𝙢𝙗𝙖𝙝𝙞 𝙃𝙖𝙢 𝙢𝙖 𝙝𝙤𝙡𝙤𝙣𝙜-𝙈𝙪 𝙝𝙪 𝙗𝙖𝙣𝙜𝙠𝙪, 𝙨𝙖𝙞 𝙞𝙙𝙞𝙣𝙜𝙖𝙩 𝙪𝙝𝙪𝙧𝙝𝙪 𝙢𝙖 𝙨𝙤𝙣𝙖𝙝𝙖 𝙥𝙖𝙧𝙨𝙖𝙤𝙧𝙤𝙣-𝙈𝙪 𝙣𝙖𝙞𝙟𝙞𝙖, 𝙜𝙖𝙗𝙚 𝙖𝙧𝙞𝙝𝙖𝙣 𝙗𝙖𝙣𝙞 𝙥𝙖𝙧𝙨𝙖𝙤𝙧𝙤𝙣𝙠𝙪 𝙨𝙤𝙣𝙖𝙧𝙞 𝙥𝙖𝙠𝙤𝙣 𝙝𝙖𝙨𝙤𝙢𝙖𝙣𝙠𝙪. 𝙐𝙧𝙪𝙥𝙞 𝙃𝙖𝙢 𝙢𝙖 𝙖𝙝𝙪 𝙥𝙖𝙨𝙖𝙡 𝙖𝙞. 𝘼𝙢𝙚𝙣.

 

Haleluya No. 143: 1.4: O Tonduy na Manggoki Uhur >> https://bit.ly/3wXRoPm