“𝙄𝙖 𝙣𝙖 𝙙𝙤𝙗 𝙢𝙖𝙢𝙪𝙣𝙜𝙠𝙖𝙝 𝙝𝙤𝙧𝙟𝙖 𝙣𝙖 𝙢𝙖𝙙𝙚𝙖𝙧 𝙞𝙗𝙖𝙜𝙖𝙨 𝙣𝙖𝙨𝙞𝙖𝙢, 𝙙𝙤𝙗𝙤𝙣𝙠𝙤𝙣𝙣𝙞 𝙙𝙤 𝙖𝙞 𝙙𝙖𝙨 𝙝𝙪𝙗𝙖𝙣𝙞 𝙖𝙧𝙞 𝙣𝙞 𝙆𝙧𝙞𝙨𝙩𝙪𝙨 𝙅𝙚𝙨𝙪𝙨a”. (Pilipi 1: 6)
Domma ipungkah Tonduy na Pansing horjani ibagas dirinta, tapi horja ai lape dob. Tong ope hita marlapu dousa. Seng dong na manggoluh na sirsir ilobei ni Naibata, seng dong na so pamandangon bani Naibata. Seng dong na boi ihamalaskon Naibata.
Sadokah manggoluh na porsaya i tanoh on, sai iahap do dousa, sitaronon pakon hamatean. Tapi na porsaya, sai iiankon Tonduy na Pansing do, mambere gogoh bani laho maruntol das hubani na gokan dear horjani anjaha marpunsa dousa pakon pusok ni uhur.
Seng boi pangahapni ukuran ni parsaoronni bani Naibata. Halani ai ningon bereon do kamar ibagas uhurta ianan ni Tonduy na Pansing ai, ase Ia manopa uhur pakon pangahapta. Ningon iahap hita do na boritan do Tonduyta, jadi ningon dong do doktor Tonduy na pamalumkon ai.
Dong do deba Kristen na parupah do horjani ninuhumi humbani Naibata (jasa). Uhur na sonai sedo ai na humbani Tonduy na Pansing, ai seng romban ai bani hata ni Naibata ampa bani haporsayaonta. Tang indungni ningon poltik ijolom hita bagah-bagah ni Naibata. Haluahon na binahen ni Tuhan Jesus.
Roh ma Pangapoh banta: Ia sonaha pe pandoit pangkarat ni sitaronon, poltik ma ijolom hita goluh magira ai na ibagas Jesus Kristus. Ijolom hita ma poltik hata ni Tuhan Jesus na mangkatahon: Na manggoluh do Ahu hanima pe manggoluh do!”
Pasayuron ni Tonduy na Pansing do horja-Ni ibagas uhurta, laho manopa uhurta ase gabe na marguna bani Naibata hita.
𝘏𝘢𝘮 𝘛𝘶𝘩𝘢𝘯 𝘑𝘦𝘴𝘶𝘴, 𝘴𝘢𝘪 𝘪𝘥𝘰𝘱𝘬𝘰𝘯 𝘛𝘰𝘯𝘥𝘶𝘺-𝘔𝘶 𝘮𝘢 𝘩𝘰𝘳𝘫𝘢𝘯𝘪 𝘪𝘣𝘢𝘨𝘢𝘴 𝘥𝘪𝘳𝘪𝘯𝘨𝘬𝘶, 𝘢𝘴𝘦 𝘮𝘢𝘯𝘨𝘨𝘰𝘭𝘶𝘩 𝘢𝘩𝘶. 𝘈𝘮𝘦𝘯.
Haleluya No. 82 : 1, 2: Masuki Ham Uhurhu
- 𝘔𝘢𝘴𝘶𝘬𝘪 𝘏𝘢𝘮 𝘶𝘩𝘶𝘳𝘩𝘶, 𝘪𝘢𝘯𝘬𝘰𝘯 𝘏𝘢𝘮 𝘮𝘢 𝘢𝘶 𝘰𝘯. 𝘖 𝘛𝘰𝘯𝘥𝘶𝘺 𝘕𝘢𝘪𝘣𝘢𝘵𝘢𝘯𝘨𝘬𝘶, 𝘱𝘢𝘴𝘰𝘯𝘢𝘯𝘨 𝘏𝘢𝘮 𝘢𝘶 𝘰𝘯. 𝘕𝘢 𝘮𝘢𝘳𝘱𝘢𝘳𝘢𝘵𝘢𝘴 𝘏𝘢𝘮 𝘳𝘢𝘱 𝘱𝘢𝘬𝘰𝘯 𝘕𝘢𝘪𝘣𝘢𝘵𝘢𝘯𝘨𝘬𝘶 𝘚𝘰𝘯𝘪𝘯 𝘑𝘦𝘴𝘶𝘴 𝘛𝘶𝘩𝘢𝘯𝘬𝘶, 𝘴𝘢𝘪 𝘱𝘶𝘫𝘪𝘰𝘯𝘬𝘶 𝘏𝘢𝘮.
- 𝘗𝘢𝘢𝘩𝘢𝘱 𝘏𝘢𝘮 𝘱𝘢𝘵𝘶𝘥𝘶𝘩 𝘩𝘶 𝘣𝘢𝘯𝘨𝘬𝘶 𝘨𝘰𝘨𝘰𝘩-𝘔𝘶. 𝘗𝘢𝘳𝘨𝘰𝘨𝘰𝘩-𝘔𝘶 𝘱𝘢𝘭𝘶𝘢𝘩 𝘢𝘶 𝘩𝘶𝘮𝘣𝘢𝘪 𝘥𝘰𝘶𝘴𝘢𝘯𝘨𝘬𝘪𝘯. 𝘜𝘳𝘢𝘴𝘪 𝘶𝘩𝘶𝘳𝘩𝘰𝘯, 𝘱𝘢𝘱𝘢𝘯𝘴𝘪𝘯𝘨 𝘏𝘢𝘮 𝘵𝘰𝘯𝘥𝘶𝘺𝘩𝘶 𝘈𝘪 𝘴𝘪𝘩𝘰𝘭 𝘣𝘢𝘭𝘰𝘴𝘢𝘯𝘬𝘶 𝘥𝘰 𝘩𝘢𝘵𝘢-𝘔𝘶 𝘵𝘰𝘯𝘨𝘵𝘰𝘯𝘨.
~Pdt J Wismar Saragih, Tadah ni Tonduyta
tnt0612
Recent Comments