“Ulang iagan uhurnima roh Ahu manrumbakkon titah pakon hata ni sagala nabi, seng roh Ahu manrumbakkon, tapi mandalankon do”. (Mateus 5 : 17)
Seng dong halak na boi mandalankon titah in janah dapotan hagoluhan marhiteihon ai. Bani hita pardousa seng dong dalan na legan, ase das hu haluahon sobali marhitei na mangkaporsayai Jesus Kristus. Tuhan Jesus do na mandalankon Tonduy ni titah ai, mandalankon rosuh ni Bapani.
Pandalankon ni Sibotoh surat age Parisei bani titah ai, suratni (leterni) idalankon. Pangibulan ni titah ai tangkas idalankon Tuhan Jesus holong na gok dompak Naibata pakon dompak jolma. (Mat. 22 : 37-40). Ia titah ni Naibata titah ni Tuhan Jesus do ai, tontu seng ilanggar titahni sandiri.
Sonai do hita anggo gabe anak ni Naibata ma hita marhitei Tuhan Jesus, gabe dihut do hita simada titah ai. Seng ra be hita manlanggar, gari nalegan manlanggar seng be hita sonang. Sada usihan: Titah pasapuluhkon mamandang hita ulang manguhur-uhuri arta ni hasoman. Mase magigi ham bani judi? Halani ijai marsiuhur-uhuran sidea. Sedo ham namin na talup atap na monung halak na marjudi ai do. Humbani uhurmu ai domma taridah, songon na dihut do ham simada titah ai.
Halak na porsaya songon seng marguna be bani titah laho mangatur dirini, ai titah ai domma gabe titahni ai. Ai holong ni Naibata na marhitei Jesus do manabansi. Jadi holong ai do manrajai dirini, holong ai ma gabe goluhni. Lang be titah ionjolhon uhurni,tapi holong mando. Ninuhur ni halak Jahudi na parseda titah do Tuhan Jesus, ai ilanggar nini ari Sabbat, halani pamalumkon Tuhanta bani ari ai. Mandalankon holong do Tuhanta ijai, tapi seng iarusi sidea.
Ham Tuhan Jesus! Bere Ham ma huhagas uhurhu, titah na baru ai (Joh 4 : 34), titah holong ai, ase sintong ahu susianmu. Pargogohi Ham ma ahu mandalankon ai. Amen.
Haleluya No. 200:1: Aha ma Dodingkononku >>
1. Aha ma dodingkononku ase pujionku Ham.
Ale Tuhan Naibatangku Ham ma mangurupi au.
Seng na tarpajojor ahu holong-Mu tongtong hu bangku.
Halaniin hupuji do ham marribu hali lo.
1 Agustus: Mangimbang Ladung >>
<< 30 Juli: Titah atap Harosuh ni Naibata?
tnt160731
Recent Comments