Renungan Harian "Tadah ni Tonduyta"
Humbani buku renungan harian berbahasa Simalungun, "Tadah ni Tonduyta" sinuratkon ni Pdt J Wismar Saragih (1888 – 1968) bani tahun 1965, paduahon dob "Manna"
Ia na jahat roh hu banta marpahean na madear, mahol do banta mananda naija na dear, naija na sambor. Gati do age hata, dear ma ninuhur hape sambor pangonaini. Mahol do diri mamareksa hata pakon uhur diri sandiri, naija na dear naija na sambor. Sambatni >>
Seng ipaturut Tuhan Jesus bungbang uhur ni susianni na laho hu huta Emmaus ai. Hita pe seng anjai ipaturut Tuhanta bungbang hita, tolohan-Ni do hita, parsahaponkonni do hita, buhaanni uhurta, ase torang banta partuhan na manggoluh do hita. Sambatni >>
Marpunsa ma goluh ni Tuhan Jesus i tanoh on. Roh do Ia gabe Anak ni biri-biri ni Naibata na mamorsan dousa ni dunia on. Iboan do naboritta ampa hadoyukonta iporsan. Ia do manaron panlanggaronta. Sambatni >>
Na gadamon do si Naeman komandan ni tentera ni raja Siria. Ibogei do barita ni nabi Elisa, marhitei gogoh ni Naibata gan boi do ipamalum na gadamon. Jadi laho ma ia bani nabi Israel ai. Roh ma ia marhuda rap pakon gareta porangni ….. Sambatni >>
Haganupan hita domma itobus Tuhanta, ai ma sanggah parmateini halani dousanta. Idilo do hita sada-sada nini: “Ulang mabiar, Ahu do simada ho!” Ai ma na masa sanggah pandidion na pansing in, ijai ma masuk hita bani na tanobusni, jolma tobusanni ma hita. Sambatni >>
Sonaha do ham na mambasa on, ijajah tonduy na mabutak ai do ham? Sihol maluah do ham humbani panjajahanni ai? Na bajanni: Naagan seng ope diri talu ibahen tonduy na mabutak ai, hape domma ham tabanni. Tonduy ni Naibata do na boi patidak ai hu banta. Sambatni >>
Hira uhur riap do ai sangsi bani partolongan ni Tuhan Jesus ai do ase lang ijalo halak partolongan ni Tuhan Jesus ibagas hasunsahanni. Tapi ham ulang be sangsi bani partolongan ni Tuhan Jesus. Tuk do gogohni janah ra do Ia paluahkon ham humbani dousamu. Sambatni >>
“Halani ai huhatahon ma bamu: Domma sasap dousani na buei ai, ai buei do taridah holong ni uhurni, tapi anggo otik do isasap dousa ni halak, otik do holong ni uhurni” (Lukas 7:47). Sanggah bani parmanganan i pesta Parisei Tuhan Jesus, roh ma sada naboru na sura-surani ningon pajumpah ia pakon Tuhan Jesus. Mase ma nani sonai banggal ni holongni bani Tuhan Jesus? ….Sambatni >>
“Tapi sedo marguru bani uhur-Hu, uhur-Mu do! (Mat 26:39b) Ai ma ujung ni tonggo ni Tuhan Jesus i pohon Getsemane bani paruntolonni na parah ai. Sonai do homa ipodahkon banta bani tonggo na pansing ai: “Sai saud ma harosuh ni uhur-Mu i nagoritongah on songon na i nagoriatas”. Sambatni >>
Hunja ma dapot hita uhur na bonar anjaha na madear ai – uhur na boi manjalo hata ni Naibata? Humbani Naibata do dapot uhur na sonai ai. Pindoonta ma bani tonggonta: “Tuhan urupi Ham ma ahu, ase huparimbagaskon Hatamu”. Sambatni >>
Recent Comments