Renungan Harian "Tadah ni Tonduyta"
Humbani buku renungan harian berbahasa Simalungun, "Tadah ni Tonduyta" sinuratkon ni Pdt J Wismar Saragih (1888 – 1968) bani tahun 1965, paduahon dob "Manna"
Humbani jam paonomkon das bani jam pasiahkon (jam 12 das jam 15) golap ma i tanoh on. Ibagas panorang ai ma tang na parahni sitaronon ni Tuhan Jesus ibagas paruntolonni, Jesus Anak sasada ni Naibata, pala iahap itadingkon Naibata Ia. Sambatni >>
Ra do Naibata mangurupi hita, margogohi hita ibagas parlajouan na roh hu banta. Tapi maningon marondos botul do hita hu Bani, anjaha ibotoh hita unduk bani harosuh ni Naibata. Sambatni >>
Roh do holi panorang na mahol bani Kuria ni Naibata i tanoh on. Ai ma parburuon humbani na so masuk hu harajaon ni Naibata. Tangis ma halak mangindo tolong bani Tuhan, tapi partolongan ai seng mamintor dapot. Roh do partolongan ai anggo ididah Naibata ma dearan banta partolongan ai. Sambatni >>
Porini roh sungkun-sungkun ni uhurta mangkatahon: Sedo nani das na hupa Naibata bangku? On ma balosni: Na porsaya Bani seng anjai maporus. Na porsaya ai sabar do paima panorang ni Naibata, pindoonni do gogoh manaron ibagas na sabar. Sambatni >>
Pitung atap nengel atap Iongah pe ham, dong do tujuan ni Naibata pasal ham. Ase talar horja ni Naibata bamu. Sagala hahurangan na roh banta, hitei ni Naibata do ai mangojur hita roh bani Tuhan Jesus. Sambatni >>
Roh do martorap na mambahen pusok ni uhur banta, janah iahap hita na songon uhuman ni Naibata ai hu banta. Sedo manguhumi ai tujuan ni Naibata, tapi manjuljul hita do ase laho hubani panandaon bani dousa pakon hu hamubahon ni uhur. Sambatni >>
Anggo sanggah marsitaronon hita bani angkula, uhur atap tonduy, mahol do banta manjolom bagah-bagah ni Naibata, songon na maborattu do ai, songon na so tarpaosor be ai. Songon na so tarsuhuni Naibata ninuhur bagah-bagahni ai… Sambatni >>
Ibotoh hita, roh pe banta pusok ni uhur, naborit, na masahit pakon sitaronon, ibotoh Naibata do ai. Ipaturut do ai masa halani holong-Ni banta. Tujuanni paroh pasu-pasu banta bani goluh ni haporsayaonta. Sambatni >>
Sagala na masa atap na dong, ganup do manumpak bani ni madear bani na marholong ni atei bani Naibata, bani na porsaya, songon nini ayat ai. Tapi sonaha das hita hujai. Sambatni >>
Martorap ra do (hita na dob gabe) anak ni Naibata mulak bani haotoon, talu ibahen hajahaton. Anggo sonai idilo Naibata ma ia use mulak humbani dalanni. Ra do ai masa marhitei naborit na parah roh, atap marhitei sitaronon ….Sambatni >>
Recent Comments