Renungan Harian "Tadah ni Tonduyta"
Humbani buku renungan harian berbahasa Simalungun, "Tadah ni Tonduyta" sinuratkon ni Pdt J Wismar Saragih (1888 – 1968) bani tahun 1965, paduahon dob "Manna"
Sintong ni uhur mangkorjahon horja pakon langkah bani tanggung jawab, ibotoh Tuhanta do. Halani ai anggo halak na porsaya songon na bani Tuhan do ia marhorja, sedo songon na bani jolma, age pe horja ni jolma ihorjahon. Sedo na taridah sihabiaranni, bani na so taridah do ia martanggung jawab. Sambatni >>
Sipauman ni Tuhan Jesus Kristus do ulog-ulog on, na pinagijang bani hayu parsilang. Barang ise na nidoit ni setan marhitei dousa janah mangkawah bani Jesus na tarsilang ai, maluah ma humbani dousani, manggoluh ma ia. Sambatni >>
Pingkir ham lobei tongkin: Gok ma boritni na tarsilang ai, paku (pahat-pahat) ai mangantankon boratni, mambahen marigat tangan pakon naheini, ninuhur mandoruh ma Ia mangorongkon ai. Hape lupa do Ia mangorongkon ai, …Sambatni >>
Masuk huja do hita nani? Masuk na monang do ham atap na talu? Sihol ham monang, roh ma ham bani Tuhanta na ra mambere gogoh bamu mangimbang sagala na jahat pakon sagala dousa. Ulang hampung uhurmu mangimbang dousa…Sambatni >>
Sonari hatuahon ai domma roh, malas do uhurta ijai? Imuliahon hita do Tuhan in? Ipuji hita do Ia janah tarima kasih do uhurta? Boi ma ibalosi hita ai anggo mangkawah hita inggot hita janah mangkawah bani uhurta pakon pargoluhonta. Sambatni >>
Porlu homa paputusonta: Ase Naibata sibalosanta (siidanganta) songon si Maria ai. Tenger ma uhurmu, gabe marmalas ni uhur do ham anggo Naibata sibalosanmu ronsi matei ham. Sambatni >>
Haganupan hita domma itobus Tuhanta, ai ma sanggah parmateini halani dousanta. Idilo do hita sada-sada nini: “Ulang mabiar, Ahu do simada ho!” Ai ma na masa sanggah pandidion na pansing in, ijai ma masuk hita bani na tanobusni, jolma tobusanni ma hita. Sambatni >>
Halani idagei Tuhan Jesus ganupan ai, ai ma ase boi Ia manolong hita bani parlajoan, boi la gabe haliharon ibagas golap ni paruhuran, boi mambere damei pakon idop ni uhur. Seng pala, jut uhurta, ai Tuhan Jesus tong do maidop uhurni banta, ….Sambatni >>
Sonaha do ham na mambasa on, ijajah tonduy na mabutak ai do ham? Sihol maluah do ham humbani panjajahanni ai? Na bajanni: Naagan seng ope diri talu ibahen tonduy na mabutak ai, hape domma ham tabanni. Tonduy ni Naibata do na boi patidak ai hu banta. Sambatni >>
Dong ma sada naboru na marumur 17 tahun, na nengel janah longah. Masuk ma ia hu parsikolahan ni sisonai. Na sain dokah seng ongga ibogei pasal Naibata, tapi i parsikolahanni ai ibogei ma pasal Naibata na pansing janah na pintor. Magigi tumang do ia bani dousa ni jolma. Sambatni >>
Recent Comments