Tapi jaga nasiam ma diri nasiam, ulang borat uhur nasiam halani parminumon parmabukon ampa pangkolsohon bani goluh on, gabe sompong idorab ari ai nasiam, songon pandorab ni tirangkap
(Lukas 21: 34)
Terjemahan baru (LAI 1976) (Lukas 21: 34): “Tapi jaga ma hanima bani dirinima, ulang ma boratan uhurnima halani parminum-minumon ampa parmabukon ampa holsoh-holsoh bani na i dunia on, gabe sompong songon tirangkap roh ari ai mandorab hanima”.
Halani parminumon pakon parmabukon pakon pansarihon bani goluh on boi do mangolat hita hu harajaon ni Naibata. Sada gelah hauhuron na tarsobut iatas on, pala tartonduy, bagas pangonaini, seng tarpaluahi be humbagas uhur ni sada halak. Boi ma ai mangolat Tonduy ni Naibata ulang roh bani. Seng be ipindahi na i babou ai, na i tanoh on mando. Mangidah parlahou ai seng dong ipingkirhon sonaha Tuhanta mangalo-alo Tuhan Jesus roh honsi la hu dunia on marhitei hombun. Jadi seng marosuh be ia mangalo-alo Tuhanta. Sompong ma ia idorab ari ai. Bani paruhuman ai hu darat mando ia bani na golap marimpot-impot, ianan partangisan pakon na patungos-tungos.
Maningon minum do na manggoluh ase torus manggoluh. Parminumon na pinalumba ni Tuhan Jesus, ai ma parminumon na hatagihan. Tagihni ai do na isuhuni, sedo haporluan ni angkula ai. Lanjar ai do naborit i naraka ai, hatangihon. Tagihni ai do na isuhuni, sedo haporluan ni angkula ai. Lanjar ai do naborit i naraka ai, hatagihan. Tagihan ai do na isuhuni, sedo haporluan ni angkula ai. Lanjar ai do naborit i naraka ai, hatagihan na so tarsuhuni ai pakon panolsolion na so tarulaki.
Parmabukon, seng patut halak na porsaya mabuk. Anggo na mabuk seng torang be uhurni, songon podou etek-etek do na siar ai bani na mabuk. Harga do homa siinumon na koras na mambahen mabuk ai tene? Porini iboli hita siurahkonni ai sombuh do homa horah, tarpadalan ham ma lobih ni harga ai bani harosuh ni Naibata.
Mangkolsohkon goluh on seng dear. Tapi mansarihon goluh dear do. Mangkolsohkon domma dohor ai hubani jut niuhur, salpu ai hubani pandolean ma. Marpingkir do hansa dear, sonaha sibahenon. Mansarihon marhorja ma ai mandalankon pingkiran ai laho mangadongkon sohagoluhonkon. Pasu-pasu ni Naibata ma sipindoon bani horja diri.
Jaga ma hita ulang halani parminumon, parmabukon pakon pangkolsohkon bani goluh on gabe lupa hita managam parroh ni Tuhanta. Gabe idorab ai ma hita songon pandorab ni tirangkap.
Tonggo
Tuhan, urupi Ham ma hanami ase tong hanami jaga managam parrohMu magira, ampa parrohMu mangalop hanami. Amen.
Doding
Haleluya No. 184 : 2, 3: Manjaga ma Hanima >>
2. Pasirsir suluh nima, gok minak bahen in.
Managam Tuhannima siboba tuah in!
Ai na manjaga Sion do na mandilo ham;
Dohor ma hatuahon, roh ma Rajamu bam.3. Hanima na maruhur, padurgak ma lah bam.
Dodingkon haleluya, marsurak nasiam!
Ungkap do tong horbangan, sirsir ma horja in.
Sai masuk ma ganupan rap pakon Raja in.
8 Desember: Songon Bola ni Senter >>
<< 6 Desember: Sedo pitah dousa na banggal boi manutup labah ni surga banta
Recent Comments