Usih do homa harajaon nagoriatas ai bani sada halak partiga-tiga mangindahi sada mutiha na maharga.
(Matius 13: 45)
Terjemahan baru (1976) “Usih do use harajaon nagori atas ai bani sada halak partiga-tiga, na mangindahi mutiara na maharga”.
Domma dapot ham mutiha na maharga ai, aima pardomuan pakon Naibata? Hasasapan ni dousa ampa malas ni uhur ibagas Tonduy na Pansing?
Malas ni uhurmu bani mutiha ai, ai ma dihut ham panean bani goluh sisadokah ni dokahni. Atap ijolom ham do mutiha palsu, ai ma malas ni uhur bani na i tanoh on tumang. Ai mutiha palsu ai , ai ma rosuh-rosuh ni mata, mansuhuni pangindoan ni angkula mangkamalaskon na i dunia on tumang.
Martuah ma na mangindahi mutiha ni Naibata, ai dapotsi do, tapi na mangindahi ai maningon pongkut do anjaha sintong. Ai buei do na pagalekkon pakon na papeol uhur ai i tanoh on, ai ma bagei ni parlajoan.
Ra do dapot mutiha na i dunia on, tapi seng totap mambere malas ni uhur. Dong do huan-kuan na so sintong na mansedai uhur. Martorap roh do pusok ni uhur na papeolhon uhur laho mangindahi mutiha ni Naibata.
Tapi anggo bagas ipingkiri hita, seng dong na so palsu sagala ginoran na maharga i dunia on, ai parsatongkinan do ganupan. Ia mutiha na sonaha pe dapot i tanoh on, sada ma na torang: seng dong mamboan damei hubagas uhur, seng dong na pabosur tonduy.
Ningon tangionkon do hata on:“Atap ise na horahan, hu Bangku ma ia roh minum”, ai do hata ni Tuhan Jesus, pambahenanni dompak naboritan, panasapni bani dousa nipardousa. Ibere do damei, ipatugah holong ni atei ni Naibata bani jolma na roh hu Bani. Jadi dapotsi ma Kristus na mambahen pardamean dompak Naibata. Dapot ma mutiha ni Naibata, marhitei haporsayaon bani Jesus Kristus.
Domma dapot ham mutiha na maharga ai? Pindahi ham ma! Ngalutan do hita mangindahi mutiha (arta) bohalni ni angkulanta, bohal parsatongkinan on. Mase hurang porlu uhurta mansarihon bohal ni tonduyta?
Tonggo
Ham Tuhan Naibata: Suruh Ham ma hu bangku Tonduymu, ase hubotoh mangindahi mutiha na harga na ilobeimu in, boi do dapot hanami halani Tuhan Jesus Kristus. Amen.
Doding
Haleluya No. 152: 1, 5: Na Sonang Au Dob na Mar Tuhan Au >>
1. Na sonang au dob na mar Tuhan au bai Tuhan Jesus in.
Ai lang be dong dob jabolon-Ni au sihoruonkonkin.
Ai Ia mado huirikkon, dunia on ma hutundalhon,
Sonang ma au! Sonang ma au!5. Sonang ma au, anggo marsaran au, bai abingan-Ni in.
Na parngit in ‘tor itadingkon au, dob ondos au hujin.
Nuan na porlu bai uhurhu: Sai surga in ma bongkotanku.
Martuah au! Martuah au!
4 Nopember: “… humbani idop ni uhur do sedo humbani horja”>>
Recent Comments