“Jadi tudu mamontas ma sada Malim hun dalan in, ididah do ia tapi ilaosi do. Sonai homa sahalak Lepi das bani ianan in, ididah do ia tapi ilaosi do”.
(Lukas 10: 31, 32)
Mambasa barita ni Malim pakon halak Lepi in, songon na marsahap do barita ai banta: Aha do dong ibahen ham pahampungkon sitaronon ni halak na boritan atap na marsitaronon? Itolongi ham do atap ilaosi ham?
Ningon sonon do pingkiranta: Ibahen Naibata do naboritan on i dalanku ase boi dapotan partolongan in humbangku. Deba sonon do nini halak: Seng dong panorangku, seng sompat ahu, seng dong habotohonku hujai. Diha-dihani pakon hasomanni ma patorsahonsi. Anggo sonai itadingkon ma ia tibal, ilaosi ma.
Ulang ma pala laho lobei uhurta dompak Malim atap Lepi ai, tapi marpingkir ma hita pasal dirinta. Idilo Naibata do hita manorih na boritan atap hu marhahurangan, na marsitoronon, laho palamlamkon ai marhitei hatanta, lang na porlu marhitei pambahenanta pahampungkon sitaronon ai. Tapi namin sabonar ulang be ilaosi hita, songon halak na manlaosi na tarsamun ai. Tapi nimu: Buei do na marsitaronon na boritan na madoyuk na tarsosak i dunia on, ijia tarurupi ai haganupan?
Tongon do ai homa. Tapi siurupanmu ibahen Naibata, ai ma na i dalanmu ibagas goluhmu, ai do siurupanmu. Ibahen ham do partolonganmu bani na marsitaronon marbuei-buei i hutamu, i daerahmu, atap daerah na legan i Indonesia on, i dunia on? Dong do martorap na marlohei puntung bani sada-sada daerah i dunia on atap halani aha pe, dihut do ham manongos partolonganmu hujai? Ibagas dalan ni goluhmu do ai masa.
Iahap hita do hahuranganta pasal ai mansarihon na porlu sarionkon, na sosak i dunia on. Hurang bolag do irungkub holong ni uhurta na dob ai. Andohar hunjon hujanan lambin masuk hita hubani na so manlaosi ai, dihut bastu bani horja sosial na pinodahkon ni Tuhanta.
Tonggo
Ham Tuhan Naibata Bapanami! Sasap Ham ma dousanami, lanseinami manolong na patut tolongan. Urupi Ham ma hanami ase ibotoh hanami ibahen Ham do na masa ai ibagas dalan ni goluhnami.
Amen.
Doding
Haleluya No. 107: 4, 5: Irikkon Nasiam ma Au >>
4. Na toruh uhur do Au on, sai tong holong atei-Hu,
Lamlam uhur-Hu, ai tongtong lamlam homa hatang-Ku,
Tongtong hutatap Naibata, ai pe Au on ihutkon ma.
5. Seng na tarbaen hanami in, ipingkir uhurnima;
Ulang mabiar halanin, Au do hasomannima.
taluhonon-Ku munsuh in, tenger uhurmu pasal in.
19 September: Anggo iahap hita habanggalon ni Naibata >>
<< 17 September: “Hahologi Hanima ma Munsuhnima”
tnt160918
Recent Comments