“Ai sonon do parholong ni atei ni Naibata bani dunia on, pala do Anakni sisada-sada ai iberehon ase ulang magou sagala na porsaya Bani, tapi ase dapotan hagoluhan sadokah ni dokahni.”
(Johannes 3:16)
Holong do atei ni Naibata bani dunia on pakon bani jolma sadasada. Ihaholongi do sidea age pardousa na etek age pardousa na banggal, maidop do uhurni mangidah sidea. Itongos do Anakni Jesus Kristus laho paluahkon sidea. Iseise na porsaya, manggoluh ma.
Mase lang porsaya hita bani Jesus Kristus?
Mahol do ai, ai naahapkon do dousa diri. Seng ongga nabalosi (naidangi) Naibata. Nalanggar do tong titahni na pansing in marnunut-nunut. Manungkun ma ibagas uhur: Mintor boi ma holong atei ni Naibata hu bangku jolma pardousa na mabutak on?
Ra do Tuhan Jesus matei mangkopkop na so parduli bani Naibata. Botoh ham ma: Holong do uhur ni Naibata bani jolma manisia haganupan, isuruh do Anakni sisada-sada ai laho paluahkon hita, laho paluahkon dunia on age sonaha banggal ni dousani.
Sonaha mabiar do ham bani Naibata? Mabiar do ham martonggo hu Bani?
Ulang ham mabiar, pingkir ham ma gelah holong-Ni ai. Hatahon ham ibagas uhurmu: Tongon pardousa do ahu, tapi domma itongos Naibata hu dunia on Anakni sisada-sada ai laho paluahkon ahu, laho paluahkon dunia on. Ase ulang hita magou, tapi ase masuk hu hagoluhan na sadokah ni dokahni.
Dob sonai uhurmu, marhusor ma ham dompak Naibata, martonggo hu Bani. Pindoonta ma use isuruh Naibata Tonduyni hu banta, ase tenger uhurta bani holong ni atei ni Naibata banta marhitei Jesus Kristus.
Dob torang banta holong ni atei ni Naibata na marhitei Jesus Kristus, romban hujai do poltik ni haporsayaonta bani hasasapan ni dousanta ampa haluahonta binahen ni Tuhan Jesus.
Tonggo
Ham Tuhan Naibata, sai ipatorang Tonduy-Mu ma hubagas uhurhu banggal ni holong ni ateiMu ibagas Jesus Kristus.
Amen
Doding
Haleluya No. 7: 4,5: Porini Dong Marribu Hali >>
4. Tarima kasih ma uhurhu, Bamu o Naibata tongtong;
Ibahen dearni layak-Mu, binere-Mu hubangku on;
Ai ipatudu Ham tongtong ganup na porlu bangku on.5. Hupuji pakon Ham, o Jesus, ibaen parholong ateiMu.
Mardingat darohMu madurus, pakon ganupan layak-Mu;
Mambahen haluahon on, hubai pardousa banggal on.
Recent Comments