10 Juni: Habayuon ni Uhur Hinorjahon ni Tonduy Napansing

 “𝙏𝙖𝙥𝙞 𝙖𝙣𝙜𝙜𝙤 𝙨𝙞𝙥𝙖𝙧𝙢𝙖𝙡𝙤𝙞 𝙖𝙞 𝙢𝙖 𝙏𝙤𝙣𝙙𝙪𝙮 𝙉𝙖 𝙋𝙖𝙣𝙨𝙞𝙣𝙜, 𝙨𝙞𝙨𝙪𝙧𝙪𝙝𝙤𝙣 𝙣𝙞 𝘽𝙖𝙥𝙖 𝙢𝙖𝙧𝙝𝙞𝙩𝙚𝙞𝙝𝙤𝙣 𝙜𝙤𝙧𝙖𝙣𝙠𝙪, 𝙖𝙟𝙖𝙧𝙤𝙣𝙠𝙤𝙣 𝙟𝙖𝙣𝙖𝙝 𝙥𝙖𝙜𝙤𝙡𝙥𝙖𝙤𝙣 𝙣𝙞 𝙖𝙞 𝙙𝙤 𝙝𝙪 𝙗𝙚𝙣𝙣𝙞𝙢𝙖 𝙨𝙖𝙜𝙖𝙡𝙖 𝙣𝙖 𝙃𝙪𝙝𝙖𝙩𝙖𝙝𝙤𝙣 𝙞𝙣 𝙝𝙪 𝙗𝙚𝙣𝙣𝙞𝙢𝙖”. (Johanes 14:26)

Roh do Tonduy na Pansing hubagas uhur ni susian in patubuh uhur hasaksian pasal parmatei pakon parpuho ni Tuhan Jesus.

Dob roh Tonduy ai mulgap ma bani pardingatan ni sidea sagala na hinatahon ni Tuhan Jesus hinan bani sidea janah lambin iarusi na so niarusan ni sidea hinan hata-Ni, panmatei-Ni ronsi parpuho-Ni.

Ra do homa Tonduy na Pansing ai marhorja ibagas uhurta, patorangkon banta pasal hata ni Naibata, pasal parmatei ni Tuhan Jesus ronsi parpuhoni ampa artini ai bani haluahonta.

Tapi maningon tagangonta do kamar ibagas uhurta bahen ianan ni Tonduy ai. Anggo sihol topaon-Ni hita songon susian naijia, ulang ilawan hita Tonduy ai, gabe marrupei ma hita bani Tuhan Jesus.
Maningon jaloonta do tonduy pakon uhur na bayu, maningon gabe jolma na baru do hita homa. Tonduy ai do na hoi mangkorjahon ai ibagas uhurta.

Aha do pardomuanmu pakon Kristus? Domma itangkap uhurmu Tuhan Jesus? Domma totap haporsayaonmu bani parmatei-Ni pakon parpuho-Ni. Domma iahap ham na dob margalar utang dousamu marhiteihon Tuhan Jesus?

Ningon gomos do pindoonta, ase lambin ipatalar tonduy ai Tuhan Jesus banta haluahon pakon hagoluhanta.

Tonduy na Pansing ai do marhorja ase lambin torang banta hata pakon bagah-bagah ni Naibata. Ia do pagolpahon hata ni Naibata na dob ginuruhonta. Halani ai ma ase porlu tumang pindoonta tong Tonduy na Pansing ai.
 

𝘏𝘢𝘮 𝘛𝘶𝘩𝘢𝘯 𝘕𝘢𝘪𝘣𝘢𝘵𝘢: 𝘚𝘶𝘳𝘶𝘩 𝘏𝘢𝘮 𝘮𝘢 𝘛𝘰𝘯𝘥𝘶𝘺-𝘔𝘶 𝘯𝘢 𝘗𝘢𝘯𝘴𝘪𝘯𝘨 𝘪𝘯 𝘣𝘢𝘯𝘨𝘬𝘶, 𝘩𝘶𝘣𝘦𝘳𝘦 𝘱𝘦 𝘪𝘢𝘯𝘢𝘯𝘯𝘪 𝘪𝘣𝘢𝘨𝘢𝘴 𝘶𝘩𝘶𝘳𝘩𝘶. 𝘈𝘴𝘦 𝘮𝘢𝘳𝘩𝘰𝘳𝘫𝘢 𝘐𝘢 𝘪𝘣𝘢𝘨𝘢𝘴 𝘥𝘪𝘳𝘪𝘯𝘨𝘬𝘶 𝘱𝘢𝘣𝘢𝘺𝘶 𝘶𝘩𝘶𝘳𝘩𝘶. 𝘈𝘮𝘦𝘯.

Haleluya No. 83 : 2-4: Roh ma Ham, Tonduy Na Pansing

  1. 𝘉𝘦𝘳𝘦 𝘏𝘢𝘮 𝘣𝘢𝘪 𝘶𝘩𝘶𝘳𝘯𝘢𝘮𝘪 𝘩𝘢𝘱𝘦𝘯𝘵𝘢𝘳𝘢𝘯 𝘩𝘶𝘯 𝘉𝘢𝘮𝘶. 𝘈𝘴𝘦 𝘪𝘣𝘰𝘵𝘰𝘩 𝘩𝘢𝘯𝘢𝘮𝘪 𝘮𝘢𝘳𝘱𝘢𝘯𝘨𝘢𝘣𝘢𝘬 𝘩𝘶 𝘉𝘢𝘮𝘶; 𝘏𝘶𝘮𝘣𝘢𝘪 𝘩𝘢𝘬𝘢𝘩𝘰𝘶𝘰𝘯 𝘱𝘦 𝘏𝘢𝘮 𝘮𝘢 𝘱𝘢𝘭𝘶𝘢𝘩𝘬𝘰𝘯 𝘣𝘦𝘪.
  2. 𝘗𝘢𝘵𝘶𝘥𝘶𝘩𝘬𝘰𝘯 𝘏𝘢𝘮 𝘣𝘢𝘯𝘯𝘢𝘮𝘪 𝘥𝘢𝘭𝘢𝘯 𝘩𝘢𝘨𝘰𝘭𝘶𝘩𝘢𝘯 𝘪𝘯; 𝘚𝘢𝘪 𝘱𝘢𝘣𝘢𝘺𝘶 𝘶𝘩𝘶𝘳𝘯𝘢𝘮𝘪, 𝘴𝘢𝘪 𝘱𝘢𝘥𝘢𝘰𝘩 𝘥𝘰𝘶𝘴𝘢 𝘪𝘯. 𝘚𝘢𝘪 𝘱𝘢𝘨𝘰𝘨𝘰𝘩 𝘢𝘶 𝘵𝘰𝘯𝘨𝘵𝘰𝘯𝘨 𝘣𝘢𝘯𝘪 𝘯𝘢 𝘮𝘢𝘥𝘦𝘢𝘳 𝘰𝘯.
  3. 𝘗𝘢𝘣𝘰𝘵𝘰𝘩𝘬𝘰𝘯 𝘏𝘢𝘮 𝘣𝘢𝘯𝘯𝘢𝘮𝘪 𝘯𝘢 𝘯𝘪𝘢𝘮𝘣𝘪𝘭𝘢𝘯𝘬𝘰𝘯-𝘔𝘶: 𝘕𝘢𝘪𝘣𝘢𝘵𝘢 𝘥𝘰 𝘉𝘢𝘱𝘢𝘯𝘢𝘮𝘪, 𝘩𝘢𝘯𝘢𝘪 𝘰𝘯 𝘥𝘰 𝘢𝘯𝘢𝘬-𝘕𝘪𝘯. 𝘋𝘢𝘳𝘰𝘩 𝘯𝘪𝘶𝘴𝘦𝘪𝘩𝘰𝘯 𝘪𝘯, 𝘥𝘰 𝘰𝘯𝘥𝘰𝘭𝘢𝘯 𝘭𝘢𝘰 𝘩𝘶𝘫𝘪𝘯.

~Pdt J Wismar Saragih, Tadah ni Tonduyta
tnt0610