Barang ise na mambalosi Ahu irikkon ma Ahu, janah anggo ijin Ahu, ijin ma pakon anakbuahku. Pasangapon ni Bapa in do ganup na mambalosi Ahu. (Johannes 12: 26)
Terjemahan baru (1976), “Barang ise na sihol mambalosi Ahu, iirikkon ma Ahu; anjaha ia ija Ahu, ijai do juak-juakku. Barang ise na mambalosi Ahu, pasangapon ni Bapa in do ia”.
Tarhatahon haganup goluh ni Tuhan Jesus sadokah i tanoh on Ia, na marguna bani na legan do, mangurupi na legan. Hira seng ipingkiri Tuhanta pasal dirini, nasal na legan do ipamalum do pamatang pakon tonduy ni jolma.
Iatas ni haganupan ipadamei jolma pakon Naibata. Na so ongga isidung jolma be Naibata, gabe mulak mar Naibata use. Tarhatahon ibere do bani jolma ganup panorangni, horjani pakou pamingkirionni. Iatas ni haganupan ai iberehon dirini bahen tobus ni jolma humbani dousani. Idalankon do ai halani ai do harosuh ni Naibata na songon dahupa na misbou.
Bani ayat na iatas in ihatahon: Barang ise na mambalosi Ahu iirikkon ma Ahu! Huja do iirikkon hita Ia?
Irikkon hita ma Ia mambalosi Naibata, mangidangi Naibata, mangkaholongi na legan songon binahen ni Tuhanta. Ipindahi hita ma rosuh Naibata, lang be rosuhta sandiri, ijai ma hita mambalosi Naibata, mangidangi Naibata, anggo porlu age goluhta ibere hita.
Domma igalangkon hita atap aha dompak harajaon ni Naibata? Aha ma na dob ibahen ham dompak na boritan, na masombuh, na marpusok ni uhur? Aha ma na dob idalankon ham ase mardamei jolma pakon Naibata? Sonaha do ibahen ham mandaskon damei bani jolma?
Porini pe dong binahenmu iahap ham, botoh ham ma: sedo ai paromboumu, ase boi masuk ham hu surga, anggo ai idop ni uhur ni Naibata tumang do marhitei pangkopkop ni Tuhanta Jesus Kristus, sedo horja ni hita jolma ai. Mangkaporsayai pangkopkop ni Tuhan Jesus Kristus pakon hasasapan ni dousa binahenni, ai do hiteita boi masuk hu surga.
Ham Tuban Jesus! Urupi Ham ma hanami, ase ulang na porlu bannami hansa ipingkiri hanami, tapi haporluanmu pakon haporluan ni hasoman ma namin. Amen.
Haleluya No. 107: 4, 7. Irikkon Nasiam ma Au >>
4. Na toruh uhur do Au on, sai tong holong atei-Hu,
Lamlam uhur-Hu, ai tongtong lamlam homa hatang-Ku,
Tongtong hutatap Naibata, ai pe Au on ihutkon rna.
7. Marmogah-mogah hita bei, lao mangihutkon Jesus.
dagingta ‘ge tonduyta per tulakhon lah bai Jesus;
Ai na mangengkar Tuhan in, seng dapot hasonangan in.
Recent Comments