“Dob salpu ai hudidah ma lonjan jolma na so boi bilangon ni age ise ibahen bueini, humbani bagei harajaon, morga, pangku, hata, na jongjong ilobei ni paratas ai pakon ilobei ni Anak ni biribiri ai na marhiouhon hiou putih anjaha na manjolom lambei gorsing”. (Pangukabon 7 : 9)
(Terj baru, 1976: “Dob salpu ai, huidah ma humpulan na banggal, na so boi bilangan ni atap ise, humbani ganup bangsa, suku, marga, ampa hata jongjong ilobei ni paratas ai pakon ilobei ni Anak ni biri-biri ai, marhiouhon hiou putih anjaha manjolom bulung ni palem.”)
Ise do jolma na lojan in na jongjong ilobei ni Anak ni biribiri ai? Marsampang ma sada humbani sintua ai: Ise-ise do na marhiou putih in anjaha na hunja do in roh? Jadi huhatahon ma dompaksi: Ham Tuhanku, Ham do mambotohsi. Jadi nini ma dompak ahu: In ma na roh humbani hamarsikon banggal. Domma itaptapi hiou ni sidea anjaha ipaputih marhitei daroh ni Anak ni biribiri in.
“Halani ai sonari, sai ilobei ni paratas Naibata do sidea, pasangapkon-Si arian pakon bomgin irumah panumbahanni. Seng be lohean sidea lang be horahan, lang hona milas ni ari sidea atap aha pe na pamilaskon. Anak ni biribiri na itongah ni paratas ai do marmahan sidea iboan do sidea hubani bah tubuh hagoluhan, apusan ni Naibata ma sagala iluh humbani mata ni sidea.
Na roh do sidea humbani sagala bangsa, morga pakon hata, ia na sonaha pe goluhni i tanoh on, domma itaptapi paheanni bani daroh ni Anak ni biribiri in. Na dob manaron hamarsikon banggal do sidea. Sonari manggoluh pakon Sipaluah ai ma sidea lanjar.
Mangkawah ma hita dompak babou anjaha martonggo, ase boi hita bani sada ari rap pakon sidea ibagas hamuliaon sisonai ai. Ra do Naibata mambalosi tonggonta, anggo roh hita ibagas haporsayaon paborsih dirinta marhitei daroh ni Anak ni biribiri ai, Biribiri ni Naibata.
Ham Tuhan Naibata, Bapanami! Na marsangap marmulia do Ham. Patotap Ham ma haporsayaonnami, ase boi hanami rap jongjong pakon na lonjan in ilobeimu, ilobei ni paratas na pansing in. Amen.
Haleluya No. 179 :1-3: : Ise Do Ganup Sidea >>
Recent Comments