5 Desember: Sip ilobei ni Naibata

tnt_des5_martonggo

Sip ma ho ilobei ni Jahowa anjaha pahamot Ia.

(Psalm 37:7a)

Seng ongga marnasoh uhurta, otik do panorangni marsaran sabar atap mardamei. Martonggo do hita ase ibogei Naibata, tapi seng sompat hita mambogei hata ni Naibata, ai do mambahen otik pasu-pasu ni Naibata hubagas uhurta, otik malas ni uhurta, galek hita, galek dompak dousa.

Sipsip ma ham ilobei ni Jahowa. Hundul ma ham basa ham ma hata ni Naibata, sanggah mambasa ham arepatkon ham ma dohor do Naibata marsahap bamu: Hata ni Naibata do on, marsahap do sonari Naibata bangku.

Pindoonta ma Tonduy ni Naibata ibere banta, ase ibahen iarusi hita hata binasamu au, ipatugah ma aha na porlu botohonmu. Ajara-Ni ma ham mananda dousamu. Botohonmu ma na jahat janah na butak do hape uhurmu. Ibotoh ham ma na maragu dousa do ganup horjamu ari-ari.

Ingat ham ma maningon dong do hahuranganmu, salahmu atap dousamu iahap ham anggo ipaturut ham marsahap Naibata bamu marhitei hata na binasa ai. Paturut ham marsahap Naibata bamu, ulang ham marsahap mamintori dirimu.

Anggo marsahap Naibata bamu, ipatandahon dousamu, iakuhon atei ham do pardousa ham, tapi ihaporsayai ham homa holong do uhur Naibata ni bani Naibata bamu. “Ai sonon do parholong, ni atei ni dunia on, pala do Anakni sisada-sada ai iberehon ase ulang magou sagala na porsaya, tapi ase dapotan hagoluhan na sadokah ni dokahni”. (Joh. 3 :16)

Somalni sihol urupanta do Naibata laho porsaya hita, gakni songon na hurang pe do Naibata. Marhitei hata in marlajar ma hita, ase sipsip hita ilobei ni Naibata. Ondoskon hita ma gelah Bani hinirahon ni uhurta, pahamot hita ma Ia, ulang itambahi hita be na legan hatengeran ni uhurta, pahamot hita ma la, panalom hita ma Ia. Sungkup do habotohon pakon holong, ni atei ni Naibata laho patorsa hita.

Tonggo

Ham Bapanami na i Nagoriatas! Urupi Ham ma hanami ase sipsip hanami manangihon sora-Mu. Marhata ma ham bangku, ase hutanda dousangku pakon holongmu. Amen.

Doding

Haleluya No. 153 : 5, 6: Ondoskon Haganupan >>

5. Paturut Naibantanta patorsa langkahmin ;
Na pandei do Tuhanta, ganup pasirsir in.
‘Tor sungkod pingkiran-Ni lao paluahkon ho ?
Gogoh-Ni ituduhkon, ase ididah ho.

6. Ai pe, 0 Tuhannami, taluhon hajojor
Pusok ni uhurnami sagala na sambor
Hu surga in sai bolas ma tonduynami rup
Hu tangan-Mu ma ondos hanami on ganup

6 Desember: Sedo pitah dousa na banggal .. >>

<< 4 Desember: Marolob-olob halani idop ni uhur ni Naibata