“Jadi nini Jesus ma dompaksi: na sintong do hatangkon hu bam: sadari on ma ho rap pakon Ahu i paradeiso”! (Lukas 23: 43)
Dua halak parjahat rap iparsilangkon pakon Tuhan Jesus. Sada i sambilouni, sada i siamunni. Itangar sidea do sonaha tonggoni, itonggohon do munsuhni.
Tarpusu-pusu ma iahap sahalak tonggo ai. Ipatudos ma hubagas uhurni, iahap na jahat do ia, na pintor do uhuman na bani ai. Ididah homa anggo Jesus on, sedo asal jolma Ia, sedo sipardousa, iatas do harajaonni.
Legan do anggo na sahalak nari. Domma tenger songon batu uhumi halani ai seng dong ipingkirhon atap na sonaha Jesus. Ipaborit ope sitaronon ni Jesus, ai nini: Ai sedo Kristus Ho? Paluahi ma Dirimu pakon hanami. Sonai ma pandorunni. Tapi isampang hasomanni ma, ihata ma ia, nini: Seng ihabiari ho hape Naibata, age pe rap hona uhum hita. Uhuman na pintor do na banta, ai ijalo hita do upah ni pambahenanta. Tapi anggo Ia seng dong ihorjahon na jahat. Lanjar nini ma: Ham Jesus, ingat Ham ma ahu dob das Ham bani harajaonmu!” Gabe marsahap ma Jesus, ai malas uhurni mambogei pangindoanni ai, gabe nini: Na sintong do hatangkon hu bam: Sadari on ma ho rap pakon Ahu i Paradeiso!
Pusok ni uhur ni parjahat ai halani hajahatonni, margoling ma gabe malas ni uhur, gabe tarapoh ibagas hamarsikon ai. Ai ma ijolom ronsi rotap hosahni: Sadari on ma ho rap pakon Ahu i paradeiso.
Bani ganup hita dong do jam parpudi bani goluhta hun tanoh on. Ra do homa ibagas sitaronon na borat (naborit) na parah. Roh ma namin hata na mantin ai banta: Na sintong do hatangkon hu bam: Sadari on ma ho rap pakon Ahu i Paradeiso!
Ham Tuhan Jesus! Paahapkon Ham ma bannami dousanami. Urupi Ham ma hanami ase roh hanami hu Bamu hatuahonnami. Amen.
Haleluya No. 65: 2: Ambit Iuhir bai Uhurhu
2. Sai jalo Ham ma au Tuhanku , baen upah na tinaron-Mu
Sihol ingaton ni uhurhu ganupan nabinahen-Mu Mangkopkop au pardosa banggal, ibaen holong ni atei-Mu Halani in tarbaen au sonang lao marayakkon huta-Mu
Recent Comments