“Tondok do Ia (Jesus) hape bani halak pardousa”. (Lukas 19:7)
Marrohan do bani Tuhan Jesus halak sipardousa, parmabuk, panangko, parbangkis, pnl. Ase roh pe sidea halani seng dong marhasonangan uhurni. Sihol do uhurni mandohori Naibata, sihol borsih uhurni, sihol maluah humbani dousani.
Ijalo Tuhan Jesus do sidea, hundul Ia hu rumah ni sidea, rap mangan ijai. Ijai ma ipatugah bani sidea holong ni atei ni Naibata bani, jolma pardousa. Sirsir do Ia mangurupi. Laho do Ia hu rumah ni si Sakeus. Ihatahon bani si Sakeus kopalani sijalo sohei ai: “Ai maningon tondok do Ahu hu rumahmu arian on”. Ihatahon homa: “Na roh do Anak ni Manisia in mangindahi anjaha pagoluhkon na magou”. (Luk 19:10). Songon naijia, sonai do Tuhan Jesus age sondahan on. Ipindahi do na magou.
Anggo borat uhurmu pasal dousamu, roh ma ham bani Tuhan Jesus, ai roh do Ia mangindahi ham. Iboan ma ham mulak bani Naibata. Jongjong do Tuhan Jesus ilobei ni labah ni uhurmu mangkartuki ase masuk Ia hu bagas. Turi-turihon ham, sopotkon ham haganup dousamu isasap ma dousamu, ibere ma bamu goluh na baru, ipargogohi ma ham paubah uhurmu, asal ma ibere ham Tuhan Jesus masuk hubagas uhurmu, janah gabe Raja ni uhurmu Ia. Ipungkah ma horja-Ni na madear ibagas uhurmu.
Jadi anggo tong ihagigihon ham dousamu janah ihasiholi ham podah-Ni (hata-Ni) iboan ma ham masuk hu Harajaon ni Naibata i tanoh on, iboan torus hu harajaon Naibata na inagori atas dob salpu goluh on.
Tarima kasih ma bamu Tuhan Jesus; halani ipindahi Ham janah ipagoluh Ham hanami pardousa on, halani holong ni ateimu tumang. Amen.
Haleluya No. 5: 2. Hupuji Holong ni Atei-Mu >>
2. Sai ipindahi Ham do ahu, Ham pe huhasiholi do.
Itogu uhur-Mu uhurhu halani ai hubere do:
lpilih Ham hinan tonduyhu, ai pe hupilih Ham Tuhanku.
21 Oktober: Na dob lupa do nani Naibata bangku? >>
<< 20 Oktober: Pintor Halani Ipintori
Recent Comments