2 Juni: Syarat Gabe Saksi ni Kristus

“𝘋𝘪𝘩𝘶𝘵 𝘩𝘢𝘯𝘪𝘮𝘢 𝘮𝘢𝘯𝘢𝘬𝘴𝘪𝘩𝘰𝘯”

(Johannes 15:27)

Goluhta on sihol ma manaksihon Tuhan Jesus. Ase hatanta pakon parsahapanta ronsi parsaoranta, sihol ma manaksihon Tuhan Jesus, sonai ma ipindo uhur ni Tuhanta.

Sihol namin hasaksian pasal Tuhan Jesus manggoki uhurta ari-ari.
Tapi dousa do na gati mamontas humbagas uhurta, ganggang hita humbani Naibata. Tapi domma ibanihon Tuhan Jesus dousanta, ase gabe anak ni Naibata hita.

Aggo ididah hita ma dirinta, na dob iparjabolon dousa, maruntol hita mangimbang dousa, hape ipaluah Tuhan Jesus hita humbani idop ni uhurni, gabe maluah humbani dousa pakon parjabolonan ni dousa pakon sibolis gabe warganegara surga hita dihut.

Ai do sisaksionkonta pasal Tuhan Jesus bani hasomanta, ase dihut sidea songon hita.

Anggo lambin rapat hita bani Tuhanta Jesus lambin pandei do hita manaksihon-Si homa. Ai iahap hita ihasomani do hita, iurupi do hita bani hasosakan.

Sabotulni seng tarhasipkon hita pasal Tuhan Jesus. la na tongtong, mangkasomani hita na mangurupi hita bani sagala paruntolonta, na mangurupi hita ibagas hasosakan, na mamasu-masu sagala horjanta, ija tarhorom hita lang patugahkon bani hasoman.

Ase ningon marsahap do hita pasal Jesus, halani na binahen-Ni hu banta, ai do mambahen lang tarhasipkon pasal Tuhan Jesus. Halani pardomuanta pakon Tuhan Jesus do patubuh hasaksian ai banta, sonai do age susian naijia.

Ase na porlu bani hita susian ni Tuhan Jesus sonari (Kristen), ai ma parsaoran na rapat bani Tuhan Jesus. Mambasa pakon mambogei hata-Ni do sada dalan hujai, paduahon marhitei na manongtong martonggo hu Bani. Ia ma gabe raja ni goluhta, ai ma holi na mangojur hita gabe saksi na botul bani Tuhanta janah saksi na ringgas.

Tonggo

 𝘏𝘢𝘮 𝘛𝘶𝘩𝘢𝘯 𝘑𝘦𝘴𝘶𝘴! 𝘏𝘢𝘮 𝘥𝘰 𝘚𝘪𝘱𝘢𝘨𝘰𝘭𝘶𝘩 𝘱𝘢𝘬𝘰𝘯 𝘚𝘪𝘱𝘢𝘭𝘶𝘢𝘩 𝘩𝘢𝘯𝘢𝘮𝘪. 𝘗𝘢𝘴𝘶-𝘱𝘢𝘴𝘶 𝘏𝘢𝘮 𝘮𝘢 𝘩𝘢𝘯𝘢𝘮𝘪 𝘢𝘴𝘦 𝘴𝘢𝘭𝘪𝘩 𝘩𝘢𝘯𝘢𝘮𝘪 𝘨𝘢𝘣𝘦 𝘴𝘢𝘬𝘴𝘪𝘔𝘶, 𝘴𝘢𝘥𝘰𝘬𝘢𝘩 𝘩𝘢𝘯𝘢𝘮𝘪 𝘮𝘢𝘯𝘨𝘨𝘰𝘭𝘶𝘩.

𝘈𝘮𝘦𝘯.

Doding

Haleluya No. 5: 1,6: Hupuji Holong ni Atei-Mu >>

1. Hupuji holong ni atei-Mu, o Tuhan Jesus Rajangkin
Bamu huondoskon tonduyhu, ai do napinindo Mu in
Huhalupahon ma diringku mamingkir holong ni atei-Mu,

6. 0 Jesus, GoranMu uhirhon, bagas, torang bai uhurhon-,
Ase tarsurat ilobeihu holongni ateiMu tongtong,
Hatangku ampa parlahouhu, ningon ipuji do GoranMu.