“Sihol ma marsihaholongan hanima samah hanima, songon Ahu na dob mangkaholongi hanima”.
(Johannes 15: 12)
Ai ma titah ni Tuhan Jesus banta, ase marsihaholongan hita samah hita. Ai ma titah-Ni ijia bani susian-Ni, sonai do titahni age banta susian sonari (Kristen).
Haganup do manisia ihaholongi Tuhan Jesus, jadi hinaholonganni ai sihol homa haholonganta. Sedo pitah na marholong ni atei banta haholonganta, anggo ai halak parjahat pe ibahen do sonai. Ambit isuruh hita mangkaholongi pangkunta, sindohorta, urah ma anggo ai. Tapi dihut do na daoh hinan humbagas uhurta. Ai ma na mahol. Simaholhonni ai ope, dihut do mangkaholongi munsuh. Anggo bagas ni holong ai songon na mangkaholongi diri sandiri do.
Anggo natimbang holong ni uhur ni Tuhan Jesus, songon na so siat hubagas uhur, songon na etektu kamar ni uhurta hasiatan ni banggal ni holong ai. Anggo idingat hita ma tonggoni humbani hayu parsilang ai na mantonggohon munsuhni: “Sasap Ham ma dousa ni sidea, ai seng ibotoh sidea na binahenni ai“. Lupa do Ia mangorongkon borit ni na tarsilang ai tapi borit ni halak ai anggo iuhum Naibata sidea, ai do iorongkon.
Domma iuhum Tuhan Jesus mamorsan dousa ni jolma ganupan, humbani sapari ronsi nuan ampa hunjon hujanan, anggo sonai ma holong na nilangab ni holong ni Tuhan Jesus ai ibagas sitarononni, ibagas ai dihut ma homa dousamu.
Anggo lape ham martongon ijai, dear ma pindo ham Tonduy na Pansing ase ipatorang ai bamu. Ulang hampung uhurmu bani dousamu atap laho mandalankon dousa.
Holong ni Tuhan Jesus ai, ai ma holong nagoriatas, holong na pitah. Anggo holong ni hita jolma buenan do ai holong na marpangkaut. Pindoonta ma holong sisonai humbani Tuhanta use isuan hubagas uhurta.
Tonggo
Ham Tuhan Jesus! Parholong ni uhur na tarlobih, bere Ham ma bennami holongMu ai ase sanggnp hanami mangkaholongi hasomannami.
Amen.
Doding
Haleluya No. 3: 1,6: Sai Puji Naibata >>
1. Sai Puji Naibata ai holong tong atei-Ni
Malayak tong homa bai ganup tinompa-Ni.
Megah ma hita on, mamuji Naibata.
Ai sasap dousa on, ibahen Naibata3. Halani ai talup na bere ma uhurta
Bai Naibata unduk ampa Jesus Tuhanta
Sonai ‘ge Tonduy in na roh hubanta on
Gantih ni Jesus in, pujion do tongtong.
Recent Comments